20 Maj 2019

OAK dhe OEMVP me mundësi të shumta për bashkëpunim

Prishtinë, 10 tetor - Njohja reciproke dhe shqyrtimi i mundësive të bashkëpunimit mes të dy Odave në mënyrë që të kontribuojmë në zhvillimin e biznesit, ishte qëllimi i takimit në mes të përfaqëuesve të Odës së Afarizmit të Kosovës (OAK) dhe përfaqësuesve të Odës Ekonomike të Maqedonisë Veri-Perëndimore (OEMVP).

Gjatë këtij takimi Kryetari i bordit të OAK-së Skënder Krasniqi shpalosi misionin dhe aktivitetet që Oda e Afarizmit është duke ndërmarrë me qëllim të përmirësimit të klimës së të bërit biznes në Kosovë. Gjithashtu Krasniqi theksoi se OAK ka identifikuar probleme të shumta të të bërit biznes, andaj u shpreh se është i rëndësishëm bashkëpunimi me një Odë me përvojë siç është OEMVP me qëllim të aplikimit të praktikave më të mira.

Nga ana tjetër Kryetari i OEMVP, Nebi Hoxha theksoi se Oda funksionon që nga viti 2004 dhe për kaq kohë sa janë funksional gëzojnë respekt si nga faktori ndërkombëtar ashtu edhe ai vendor, duke u cilësuar si një Odë transparente dhe objektive.

Drejtori ekzekutiv, Drilon Iseni u shpreh se OEMVP është ndër Odat më të mëdha në vend, e cila është e fokusuar në mbrojtjen e biznesit mikro, të vogël dhe të mesëm. OEMVP është oda më kredibile në vend e cila ngrit vazhdimisht zërin me qëndrim mbi interesin e biznesit, u shpreh më tutje Iseni.

Sekretari i OAK-së Diamant Elshani falënderoi delegacionin e OEMVP për takimin dhe theksoi se OAK është odë serioze e cila është në zhvillim e sipër, andaj është e rëndësishmë që të krijojmë një urë lidhëse me OEMVP për faktin se ka shumë prodhues të cilët nuk po munden që të plasojnë produktet e tyre në Maqedoni, andaj është me interes që të vendosim lidhjet mes kompanive si për import ashtu edhe për export.

Gjatë këtij takimi gjithashtu anëtari i bordit të OAK-së Hysni Zogaj theksoi rëndësinë e organizimit të një takimi të përbashkët mes bizneseve të të dyja vendeve, jo vetëm për rritjen e mundësive të bashkëpunimit por gjithashtu të kenë një vend se ku mund të drejtohen me qëllim që të kenë një pikë mbështetëse për problemet që mund të hasin.

Në fund të këtij takimi u theksuan mundësi të mëdha për bashkëpunim, dhe duke qenë treg i vogël bashkimi është i domosdoshëm.

OAK në këtë takim u përfaqësua nga: Kryetari i bordit, Skënder Krasniqi, sekretari Diamant Elashani, anëtari i bordit Hysni Zogaj dhe zyrtarja Qendresa Ibrahimi.

Ndërsa OEMVP u përfaqësua nga: Kryetari Nebi Hoxha, Drejtori ekzekutiv Drilon Iseni dhe bashkëpunëtojra Iman Ajrulla.

Kalendari

Ngjarjet e datës 20 maj 2019  - Vazhdimi i Seancës plenare e Kuvendit të Republikës së Kosovës. (Kuvendi i Kosovës, ora 10:00)

- Mbahet mbledhja e komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për ndryshimin dhe plotësimin e Ligjit për financimin e subjekteve politike. (Ndëresa e Kuvendit, salla N 303, ora 10:00)

- Mbahet takimi i rregullt i Komitetit për Politik dhe Financa i Komunes se Pejes. (Salla e takimeve, zyra e kryesuesit Islam Husaj, ora 10:00)

- Ministri i Arsimit, Shyqyri Bytyqi dhe Koordinatori i testit nacional Rexhep Hoti raportojn para Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me testin e organizuar në shkollat e Kosovës. (Ndëresa e Kuvendit, salla N 303, ora 13:00)
 
- Shoqata Down Syndrome Kosova mban konferencë për media për të njoftuar lidhur me sjellën në Kosovë të grupit te vallëzimit “Larondina” nga Britani e Madhe. (Hotel Parlament në Prishtinë, ora 18:00)

- Presidenti i Republikës së Kosovës, Hashim Thaçi, merr pjesë në Akademinë Përkujtimore për heroin Enver Topalli. (Teatri Kombëtar i Kosovës, ora 12:00)