21 Janar 2020

OAK dhe ATK diskutojnë për procesin e trajtimit tatimor për sektorin e ndërtimit

Prishtinë, 8 tetor - Oda e Afarizmit të Kosovës (OAK) mirëpriti në një takim menaxhmentin e ATK-së në përbërje me: Ekrem Hysenaj - Koordinator i projektit, Sami Salihu - Drejtor i shërbimeve të sektorit të tatimpaguesve dhe Nevahi Rexhepi - Menaxher i projektit.

Qëllimi i këtij takimi ishte informimi rreth një procesi të cilin Administrata Tatimore e Kosovës (ATK) është duke e implementuar. Procesi ka të bëjë me trajtimin tatimor në sektorin e Ndërtimtarisë në Kosovë, proces ky që ka rezultuar nga hulumtimet paraprake mbi performancën e sektorit përkatës, rreth të cilit ATK në Prill ka draftuar planin. 

Kryetari i Odës së Afarizmit të Kosovës Skënder Krasniqi falënderoi përfaqësuesit e ATK-së për takimin, duke shtuar që oda është e interesuar që të bashkëpunoj në zgjidhje të problemeve të identifikuara, e me të cilat bizneset vazhdimisht po përballen.

Hysenaj theksoi që esenca e projektit është njoftimi i palëve të interesit në lidhje me ndryshimet dhe aplikimet e reja që do të bëhen për sektorin e ndërtimtarisë, duke i dhënë rëndësi primare edukimit të tatimpaguesve. Ai informoi për disa statistika të cilat ATK i ka nxjerrë për periudhën Janar – Dhjetor 2018, dhe të hyrat që kanë gjeneruar nga ky sektor.

Ndërsa Sami Salihu u shpreh që sektori i ndërtimtarisë ka disa rregulla të veçanta të cilat aplikohen, andaj edhe monitorimi do të bëhet përmes një qasje të re që njihet si qasje holistike, nga lartë poshtë, e cila do të ketë shtrirje horizontale. Ai tutje vazhdoi që ATK është e gatshme që vazhdimisht t’i ndihmoj tatimpaguesit.

Anëtari i bordit Hysni Zogaj vlerësoi ATK-në për gatishmërinë për të ofruar sesione informuese për bizneset, duke theksuar që ato duhet të përkrahen më shumë, pasiqë janë duke u përballë me probleme shumë të mëdha e për të cilat OAK është duke punuar tash e tri vite.

Në këtë takim OAK u përfaqësua nga: Skënder Krasniqi - Kryetar i bordit, Hysni Zogaj- anëtar i bordit, Edon Bibaj – Avokat, Qendresa Ibrahimi – Koordinatore dhe Rreze Cana – Zyrtare në OAK. 

Kalendari

Ngjarjet e datës 21 janar 2020 - Agjencia për Mbrojtjen e Mjedisit të Kosovës organizon takimin rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Komuna e Rahovecit mban mbledhjen e parë të rregullt të Komiteti për Politik dhe Financ. (Salla e mbledhjeve të Kuvendit Komunal të Rahovecit, ora 10:00)

- Me rastin e 14-vjetorit të vdekjes së Presidentit Historik Dr. Ibrahim Rugova bëjnë homazhe te varri i tij. (Velani, ora 10:30)

- Kryeministri në detyrë Ramush Haradinaj bën homazhe te varri i ish-Presidentit të Kosovës, Ibrahim Rugova, në përvjetorin e vdekjes së tij. (Velani, ora 10:30)

- Anëtarë të Kryesisë së Lidhjes Demokratike vizitojnë Familjen Rugova. (Velani, ora 10:45)

- Qendra e Lëvizjes në Prishtinë mban konferencë për media në lidhje me projektet e ndërtimit në Liqenin e Badovcit. (Qendra e Lëvizjes në Prishtinë, ora 11:00)

- Komuna e Prishtinës shënon Ditën e Arkivit me promovimin e katallogut të dokumenteve Osmane në Arkivin Komunal të Prishtinës. (Salla e Kuvendit Komunal, ndërtesa e vjeter e Komunës, ora 11:00)

- Prokuroria Themelore në Prizren mban konferencë për media ku do të prezantohet raporti i punës për vitin 2019 dhe objektivat e kësaj prokurorie për vitin 2020. (Zyra e Kryeprokurorit në Prokurorinë Themelore në Prizren, rruga William Walker, ora 11:00)

- Lidhja Demokratike e Kosovës organizon Akademi Përkujtimore për Presidentin Historik Dr. Ibrahim Rugova. (Hotel Emerald, ora 12:00)

- Mbahet mbledhja e Kryesisë të Lidhjes Demokratike e Kosovës. (Selia e LDK-së, ora 14:00)

- Fondacioni Kosovar Trashëgimia Kulturore pa Kufij, CHwB Kosova organizon prezantimin e librit "Qyteti në Miniaturë". (Shkolla speciale për të verbër në Pejë, ora 14:00)

- Me rastin e vdekjes së ish Kryetarit të Kuvendit të Komunës së Rahovecit, Esat Haxhijaha, kryesuesi i Kuvendit Komunal të Rahovecit Afrim Dina, organizon mbledhjen komomerative, në nderim të jetës dhe veprës së tij. (Salla e mbledhjeve të Kuvendit Komunal të Rahoveci, ora 15:00)

- Komuna e Gjilanit organizon Akademi Përkujtimore për Presidentin Historik Dr. Ibrahim Rugova. (Teatri i qytetit te Gjilanit, ora 16:30)

- Komuna e Rahovecit organizon debat publik me banor të fshatit Opterushë dhe fshatrave për rreth për krijimin e Zonës Ekonomike. (Objekti i Shkollës Fillore të Mesme të Ulët ”Lidhja e Prizrenit” në fshatin Opterushë, ora 17:00)