23 Mars 2019

Një grup studentësh nga Iowa vizitojnë Odën Amerikane

Prishtinë, 12 janar - Një grup i studentëve nga Universiteti Drake nga shteti amerikan i Iowas, të prirë nga Tonia Land dhe Stephanie Dana Ely, vizituan Odën Ekonomike Amerikane me qëllim të njohjes me mjedisin e të bërit biznes në Kosovë.

Grupi i studentëve u njoftuan me aktivitetet e Odës Amerikane. Ata u interesuan të mësojnë edhe rreth mjedisit afarist dhe situatës ekonomike në përgjithësi, që nga paslufta e tutje si dhe sfidat të cilat i hasin bizneset në Kosovë. Ndërsa në fokus të rëndësishëm të diskutimit ishte edhe avancimi i mëtejmë i partneritetit ndërshtetëror ndërmjet Kosovës dhe Iowas.

Që nga viti 2013, Oda Ekonomike Amerikane në Kosovë ka dhënë kontributin e saj në fuqizimin e partneritetit të Kosovës me shtetin amerikan të Iowas, të nisur në fushën ushtarake e që tashmë është zgjeruar edhe në fusha të tjera si ekonomi, edukim dhe kujdes shëndetësor.
 

Kalendari

Ngjarjet e datës 23 mars 2019 - Federata e pingpongut të Kosovës në bashkëpunim me Kpp Vitia nën patronatin e Komunës së Vitisë do të organizoj Turneun për senior Flakadani i Karadakut. (Salla e Shkollës së Mesme Teknike 'Jonuz Zejnullahu' në Vitiora, ora 9:30)

- Shoqata "Miqtë e Amerikës" do ta bëjë zëvendsimin e flamurit amerikan te shtatorja e Bill Clintonit në Prishtinë, me një të ri. (Shtatorja e Bill Clintonit, ora 11:00)

- Gjimnazi “Hasan Nahi”, në kuadër të Fondacionit për Arsim dhe Kulturë “Atmosfera”, organizon edicionin e gjashtë me radhë - Garën e Inteligjencës "Eureka 6". (Ambienti i Gjimnazit “Hasan Nahi” në Prishtinë, ora 11:00)

- Kryeparlamentari Kadri Veseli merr pjesë në shënimin e 30-vjetorit të demostratave të 23 marsit 1989 me nismëtare gratë dhe vajzat e Balajve. (Teatri “Adriana” - Ferizaj, ora 11:00)

- UBT dhe Raiffeisen Bank mbajnë garën më të madhe në vend “Data Science Hackathon”. (Kampusi i UBT-së në Lipjan, ora 11:00)

- Kryeministri Ramush Haradinaj bënë homazhe te Pllaka Memoriale e ushtarëve të KFOR-it, të rënë gjatë shërbimit në Kosovë. (Sheshi “Nëna Terezë”, ora 12:00)

- Kryeministri Ramush Haradinaj bënë homazhe te Pllaka Përkujtimore me emrat e ushtarëve britanikë, që humbën jetën në shërbim në Kosovë. (Sheshi “Edit Durham”, afër Hotelit Grand, ora 12:10)