27 Janar 2023

MPB siguron BB-në se projektligji i pagave do të ruajë qëndrueshmërinë fiskale

Prishtinë, 21 nëntor - Zëvendësministri i Ministrisë së Punëve të Brendshme, z. Bardhyl Dobra, bashkë me ekipin e tij, priti në takim një delegacion nga Banka Botërore të kryesuar nga znj. Isolina Rossi, pjesë e programit për financimin e politikave zhvillimore (Development Policy Financing - DPF), ku u diskutuan reformat në administratë publike, në veçanti Projektligjin e pagave në sektorin publik dhe atë për zyrtarët publik.

Pasi i njoftoi për gjendjen aktuale në fushën e administratës publike, zëvendësministri Dobra, e njoftoi delegacionin në detaje për hapat e ndërmarrë dhe rezultatet e pritura pas miratimit të këtyre dy projektligjeve.

Bashkëbisedimi u fokusua tutje rreth ligjit të pagave dhe qëndrueshmërisë fiskale.

Përfaqësuesit e Bankës Botërore u siguruan se përveç krijimit të një sistemi të njëtrajtshëm dhe transparent për pagat, projektligji do të ruajë qëndrueshmërinë fiskale.

Në fund Zëvendësministri Dobra falënderoi të pranishmit për vizitën dhe shprehi gatishmërinë që ky bashkëpunim të forcohet tutje.
 

Kalendari

Ngjarjet e datës 27 janar 2023

 - Mbahet dita e dytë e konferencës Ndërkombëtare për Siguri Siguri Kinernetike “Cyber Zero” në të cilën diskutohet sulmet online dhe kërcenimet në sigurinë kibernetike. (Klan Arena, ora 9:00)
    
- Bordi i Komisionit të Pavarur për Miniera dhe Minerale raporton në Komisionin për Ekonomi, Industri, Ndërmarrësi dhe Tregti lidhur me vendimin për lirimin nga obligimi për rentën minerare për ndërmarrjen “Ferronikeli”. (Kuvendi i Kosovës, C203, ora 10:00)
    
- Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione takohet me përfaqësues të OJQ-së “Zëri i Romëve, Ashkalinjve dhe Egjiptasve”. (Kuvendi i Kosovës, salla N10, ora 10:00)
    
- Ministri i Financave Punës dhe Transfereve, Hekuran Murati, raporton në Komisionin për Buxhet, Punë dhe Transfere, lidhur me vendimin për rritjen e vlerës së faturave të tatimit në pronë. (Kuvendi i Kosovës, C203, ora 13:30)
    
- Në Akademinë e Kosovës për Siguri Publike (AKSP) mbahet ceremonia e diplomimit të gjeneratës së 42 të kadetëve të Shërbimit Korrektues të Kosovës (SHKK). Merr pjesë ministrja e Drejtësisë, Albulena Haxhiu etj. (Ndërtesa e re e Fakultetit të Sigurisë Publike në AKSP, Vushtrri, ora 13:30)
    
- Universiteti Publik “Kadri Zeka” në Gjilan do të nderojë me çmimin “Doctor Honoris Causa” anëtarin e Parlamentit Evropian, Lukas Mandl. (Teatri i Qytetit, Gjilan, ora 15:00)