16 Gusht 2018

Ministria e Diasporës do t’i mbrojë dhe do t’i ndihmojë investitorët seriozë

Prishtinë, 12 qershor - Zv.kryeministri GASHI priti përfaqësuesit e korporatës ndërkombëtare financiare (ICF).

Zv. kryeministri i Kosovës, Dardan Gashi, njëherësh ministër i Diasporës dhe Investimeve Strategjike, priti një delegacion të korporatës financiare ndërkombëtare (ICF), i cili përbëhej nga znj.Fuphan Chou, z.Tjomas Lubeck dhe z.Gaetan Tiberghien . Korporata është pjesë e grupit të Bankës Botërore, e fokusuar në investime.

Zv. kryeministri Gashi e informoi delegacionin për procesin e investimeve strategjike, sektorët strategjikë dhe, në veçanti, për  rëndësinë që ka ligji dhe qasjen e lehtë që u mundëson kompanive serioze ndërkombëtare për investim në Kosovë.

Po ashtu,  Gashi i siguroi të pranishmit se MDIS-i do të jetë afër investitorëve potencialë strategjikë për t’iu ndihmuar me të dhënat dhe informatat e duhura gjatë procesit të aplikimit për statusin e investitorit strategjik.

Ndër të tjera,  zv.kryeministri Gashi i siguroi të pranishmit se askush nuk mund t’i pengojë investitorët seriozë në Kosovë dhe se roli i ministrisë është t’i mbrojë dhe t’i ndihmojë ata në gjithë procesin.

Përfaqësuesit e korporatës financiare ndërkombëtare (ICF) shprehën interesim për procesin e investimeve strategjike, procedurat e shkurtuara, formën e aplikimit dhe, në veçanti, u interesuan për investimet në sektorin e energjisë dhe në atë të turizmit.

 

Kalendari

Ngjarjet e datës 16 Gusht 2018 - Ministri i Financave Bedri Hamza dhe ambasadori gjerman në Kosovë Christian Heldt nënshkrimit të Marrëveshjes Grant “Shërbime Financiare për Krijimin e Vendeve të Punës në Sektorin e Bujqësisë, Fondi për Garantimin e Kredive III” në vlerë 6.5 milionë euro. (Ministrinë e Financave në ndërtesën e Qeverisë, ora 10:30)

- Kryetari i Odës Ekonomike të Kosovës, Berat Rukiqi takohet me Kryetarin e Dhomës së Tregtisë dhe Industrisë në Tiranë, Nikolin Jaka, për bashkëpunimin ekonomik në mes të Kosovës dhe Shqipërisë. (Objekti i Odës Ekonomike të Kosovës, ora 13:00)

- Kolegjit ISPE mban konferencën e radhës për media ku do të prezantohen fakte të shkeljeve të rënda ligjore  nga Ministri aktual  i MASHT-it dhe Bordi i AKA-së. (Objekti i Kolegjit ISPE, ora 14:00)

- Në kuadër të edicionit të 9-të të Festivalit të filmit të animuar “Anibar”, mbahet panel diskutimi me temën “Sfidimi i stereotipeve gjinore përmes animacionit”.  (Shtëpia e Kulturës në Pejë, ora 17:00)

- Jazz kompozitorja shqiptaro-zvicerane, Elina Duni vjen me performancë në Anibar. (Parku Karagaq në Pejë)