Prishtinë, 3 mars - Ministri i Financave dhe Transfereve (MFT) Besnik Bislimi ka pritur sot në takim një delegacion të Misionit të Bankës Botërore (BB) për dialogun makro-fiskal të Kosovës, të kryesuar nga drejtori i Bankës Botërore në Kosovë Marco Mantovanelli, ku u diskutua për Memorandumin Ekonomik të vendit dhe Kornizën e Politikave Zhvillimore.

Gjatë këtij takimi u diskutua edhe për vazhdimin e bisedimeve me Qeverinë për masat për zbatimin e këtyre politikave zhvillimore, si dhe për identifikimin e nevojave për mbështetje teknike nga Banka Botërore.