30 Shtator 2020

Mbahet takimi për rishikimin e planit të prokurimit për projektet zhvillimore

Gjilan, 10 gusht – Është mbajtur të hënën mbledhja e Bordit të Drejtorëve, sipas rregullave kundër përhapjes së pandemisë COVID-19, e cila është udhëhequr nga kryetari i Gjilanit, Lutfi Haziri.

Në takimin, trepalësh, në të cilin kanë marrë pjesë edhe kryesuesja e Kuvendit Komunal, Shpresa Kurteshi-Emini dhe kryeshefi i KRU Hidromorava, Muhamet Suliqi dhe ndërmarrjes lokale Tregu, Avdyl Jerliu, është diskutuar për rishikimin e planit të prokurimit, ku përfshihen projektet zhvillmore sipas kërkesave të KRPP’së, për trajtimin e ujërave të zeza, kolektorët, hyrje-daljet e qytetit, programi për ujin e pijshëm, që janë financim i Bankës Botërore, BERZH’it dhe Bankës Investive Europiane.

Po ashtu, në takimin e së hënës është folur edhe për situatën e përballjes me pandeminë COVID-19.

Kryetari Haziri theksoi nevojën e mbështetjes për Spitalin Regjional dhe Spitalin e Qytetit, me pajisje dhe mjete për parandalim të pandemisë për të mbajtur gjendjen nën kontroll.

Gjithashtu, është kërkuar ngritja e task-forcës për arsim, në mënyrë që të bëhet përgatitja maksimale për përgatitjen e fillimit të mësimit të pjesshëm dhe në distancë, varësisht nga vendimi që do të marrë qeveria e Republikës së Kosovës.

Ndërkohë, raporti i auditimit të përgjithshëm, është pika e cila do të jetë fokusi kryesor në mbledhjen e radhës, duke i aktivizuar të gjithë mekanizmat për të trajtuar me dinamikë maksimale të gjitha rekomandimet për Gjilanin.

 

Kalendari

Ngjarjet e datës 30 Shtator 2020 - Komisioni për të Drejtat e Njeriut, Barazi Gjinore, për Persona të Pagjetur dhe Peticione takohet me Komision me përfaqësuesit e Komisionit  qeveritar për njohjen e statusit të ish të dënuarve dhe ish të përndjekurve politikë. (Ndërtesa e Kuvendit, salla N302, ora 10:00)

- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Prishtina Mall”. (Zona industriale Prishtinë - Lipjan, tek rrethi i QMI-së, ora 10:00)

- Ministrja e Kulturës, Rinisë dhe Sportit, Vlora Dumoshi pret në takim sportistet e verbër. (kabineti i Ministres, ora11:00)

- Qendra Kosovare për Studime të Sigurisë organizon publikimin e raportit “Indeksi Kosovar i Reziliencës-Ekstremizmi i Dhunshëm në Kosovë: Çfarë mund të mësojmë nga rezilienca në komunitet?” (Hotel Swiss Diamond, ora 10:00)

- Mbahet mbledhja e katërt e rregullt për vitin 2020 të Kuvendit Komunal të Prizrenit. (Salla për mbledhjet e Kuvendit të Komunës së Prizrenit, tek “Shtëpia e Bardhë”, ora 10:00)

- Instituti Demokraci për Zhvillim organizon ceremoninë e nënshkrimit të Memorandumit të Bashkëpunimit për Procesin Zgjedhor. (Hotel Swiss Diamond, ora 10:00)

 - Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton raportin vjetor të Operatorit të Sistemit, Transmisionit dhe Tregut dhe të Autoritetit Rregullativ të Komunikimeve Elektronike dhe Postare. (Ndërtesa e Kuvendit, salla N10,, ora 11:00)

- Lëvizja Vetëvendosje mban konferencë për media. (Zyrët e LV-së në Arbëri, ora 11:00)

- Ministri i Ekonomisë dhe Ambientit, Blerim Kuçi nesër zhvillon vizitë në Komunën e Drinasit. (Ambientet e Komunës së Drinasit, ora 11:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Ciao Berto”. (Magjistralja Prishtinë - Mitrovicë, km2, ora 11:30)

- Grupi i aktorëve të Prishtinës do mbajnë protestë pasi që kërkesat e tyre të deritanishme nuk janë realizuar. (Para objektit të vjetër të Komunës së Prishtinës, ora 12:00)

-  Komisioni për Buxhet dhe Transfere shqyrton në parim i Projektligjit për ndryshimin dhe plotësimin e Ligjit për financimin e subjekteve politike si dhe Ligjin për zgjedhje të përgjithshme në Republikën e Kosovës si dhe shqyrton raportin Vjetor të Bankës Qendrore të Republikës së Kosovës. (Ndërtesa e Kuvendit, salla C203, ora 13:00)
 
- Administrata Tatimore e Kosovës së bashku me Oden Ekonomike të Kosovës do të vizitojnë biznesin “Lesna”. (Rruga Lidhja e Pejës nr. 133 10000, ora 13:00)

-  Komisioni për Integrim Evropian shqyrton programin Kombëtar për zbatimin e Marrëveshjes së Stabilizim- Asociimit, i ftuar Zëvendëskryeministri Driton Selmanaj. (Ndërtesa e Kuvendit, salla N302, ora 13:30)

- Drejtoria Komunale e Arsimit e Komunës së Prizrenit do të pranojë një donacion me pajisje shkollore dhe tableta nga banka Raiffeisen, për fëmijët e familjeve me vështirësi ekonomike në komunën e Prizrenit. (Drejtoria Komunale të Arsimit në Prizren, ora 14:00)

- Fondacioni Shtatëmbëdhjetë organizon edicionin e tretë të Metamorphosis. (Objekti i Kryqit të Kuq, në rrugën "Xhemajl Prishtina", nr.36 te RTK-ja te pazari, ora 16:30)

- Në kuadër të javës së tretë të programit publik në Festivalin e Arkitektures në Kosovë. (Drejtperdrejt në faqen facebook-ut të Festivalin e Arkitektures, ora 18:30)