Prishtinë, 25 qershor - Ministria e Integrimit Evropian (MIE) ka bërë të ditur se sot në Ndërtesën e Qeverisë mbahet takimi iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian.
 
Në takim bëhet hapja zyrtare dhe njoftimi për qasjen e përbashkët që do të ndiqet nga ana e Zyrës së Bashkimit Evropian në Kosovë dhe Ministrisë së Integrimit Evropian si koordinuese nga ana e Kosovës, për afatet kohore të procesit të programimit, sektorët që do të përkrahen nga këto programe.