24 Qershor 2018

Masat e marra nga BE frenojnë krizën financiare

Bruksel, 10 gusht - Komisioni Europian vlerëson pozitivisht masat e Unionit në përballimin e krizës financiare globale.

Qëndrimi u bë i ditur në një raport të publikuar të mërkurën nga Brukseli, sipas të cilit, masat e përshtatshme të marra nga Bashkimi Europian kanë vënë në kontroll përhapjen dhe zhvillimin e krizës financiare dhe si rezultat, ekonomia e bllokut ka realizuar rritje për 5 vjet rradhazi.

Sipas raportit, pavarësisht se kriza financiare e shpërthyer 10 vjet më parë nuk buroi nga Europa, ajo ndikoi rëndë kontinentin europian, duke shkaktuar recesionin më të madh ekonomik në 60 vjetët e fundit.

Institucionet europiane dhe vendet anëtare kanë marrë masat e duhura për të frenuar përhapjen e krizës dhe në 5 vitet e fundit ekonomia e BE-së ka ruajtur rritje të vazhdueshme, përqindja e papunësisë është ulur në nivelin më të ulët që nga viti 2008, kapacitetet bankare janë forcuar dhe investimet e jashtme janë shtuar gradualisht.

Lidhur me këtë, zv.Kryetari i Komisionit Europian Valdis Dombrovskis tha se BE-ja duhet të përparojë në bazë të rezultateve aktuale, duke thelluar reformat ekonomike, kultivuar gjithpërfshirjen dhe forcën ekonomike për të mbështetur zhvillimin e vazhdueshëm të sistemit financiar publik. 

Kalendari

Ngjarjet e datës 25 Qershor 2018  - Iniciativa për Drejtësi dhe Barazi Inject, organizon tryezën me temë 'Si ta parandalojmë dhunën ekonomike?', ku edhe do të prezantohet Iniciativa për Ndryshimin e Ligjit për Familjen, gjegjësisht saktësimi i dispozitave ligjore në lidhje me ndarjen e pasurisë së përbashkët bashkëshortore. (Hotel Sirius, ora 9:00)

- Komuna e Gjilanit dhe organizata “Let’s Do It Kosova' te mbështetur nga Ministria e Mjedisit dhe Planifikimit Hapësinor organizojn aksion pastrimi në kuadër të fushatës “Ta Pastrojmë Kosovën” në Gjilani. (Para teatrit të Gjilanit, ora 10:00)

- Mbahet ceremonia e diplomimit të kadetëve të Forcës  së Sigurisë së Kosovës. (Kazerma 'Skënderbeu’, në Komandën e Doktrinës dhe Stërvitjes,  në Ferizaj, ora 11:00)

- Zyra e Bashkimit Evropian dhe Ministria e Integrimit Evropian organizojn takimin iniciues për nisjen e programimit të programeve kombëtare për Kosovën, IPA 2019 dhe IPA 2020, të financuara nga Bashkimi Evropian. (Ndërtesa e Qeverisë, salla P-38, ora 11:00)

- Komisioni për Buxhet dhe Financa mban dëgjim publik lidhur me Projektligjin nr.06/L-072 për Institucionet Mikrofinanciare dhe Institucionet Financiare Jobankare. (Ndërtesa e Kuvendit, salla C 203, ora 11:30)

- Kryeministri i Republikës së Kosovës, Ramush Haradinaj e viziton Komunën e Klinës ku do te takohet me Kryetarin Komunës, drejtorët dhe asamblistët. (Objekti i Komunës se Klinës, ora 14:00)

- Kryeministri i Republikës së Kosovës, Ramush Haradinaj takohet me familjarë  të dëshmorëve, biznese lokale, persona nga fusha e artit, sportit, muzikës, OJQ, etj, të Komunës së Klinës. (Objekti i Komunës se Klinës, ora 15:00)