20 Gusht 2019

Luftimi i korrupsionit duhet të jetë prioritet i insitucioneve shtetërore

Prishtinë, 18 dhjetor - Korrupsioni vazhdon të mbetet ndër pengesat kryesore në zhvillimin e aktiviteteve biznesore të ndërmarrjeve në Kosovë ashtu edhe në përditshmërinë e qytetarëve. Kjo u tha sot gjatë tryezës së organizuar nga Oda Ekonomike Amerikane në Kosovë mbi rëndësinë e luftimit të korrupsionit në vend.

Arian Zeka, Drejtor Ekzekutiv i Odës Amerikane, tha se korrupsioni duhet të luftohet për të arritur një zhvillim të mirëdilltë ekonomik dhe krijim të një imazhi më pozitiv të Kosovës.

Ai tha se përmes studimit të zhvilluar nga Oda Amerikane mbi perceptimin e korrupsionit 75% e bizneseve e shohin korrupsionin si sistematik duke shtuar se faktorët të cilët kryesisht ndikojnë në rritjen e korrupsionit janë sundimi i dobët i ligjit si dhe mosfunksionimi i duhur i gjykatave në luftimin e kësaj dukurie.

Brian Martalus, Drejtor i Zyrës për rritje ekonomike në USAID, tha se për t'u luftuar korrupsioni në menyrë sa më efikase rregullat dhe ligjet në fuçi duhet të zbatohen. Ai tha se Kosova ka potencial të madh për të luftuar këtë dukuri duke thënë se ende ka nevojë të punohet në këtë drejtim.

Hasan Preteni, nga Qendra për Etikë, Transparencë, dhe Integritet, tha se Kosova ka shënuar mjaft pak progres në luftimin e korrupsionit.

Ai tha se pavarësisht hyrjes në fuqi të ligjeve në kuadër të luftimit të korrupsionit, ende hasim në vështirësi në zbatimin e tyre.

Ndêrsa Blerim Kelmendi nga Agjencia Kundër Korrupsionit, tha se situata në Kosovë në këtë aspekt ka ende hapësirë për përmirësim.

Ai tha se përveç pranimit të raportimeve të rasteve të korrupsionit nga ana e qytetarëve dhe bizneseve, ky institucion poashtu ka punuar në identifikimin dhe luftimin e rasteve korruptive në mesin e shoqërisë Kosovare duke shtuar mes të tjerash si të rëndësisë primare luftimin e kësaj dukurie dhe angazhimin e institucioneve relevante në këtë drejtim.

Kalendari

Ngjarjet e datës 20 gusht 2019 - Ministri i Tregtisë dhe Industrisë, Endrit Shala do ta takojë ministrin e Ekonomisë së Maqedonisë së Veriut, Kreshnik Bekteshi. (Holli i Ministrisë së Tregtisë dhe Industrisë, ora 9:30)

- Oda Ekonomike Amerikane në Kosovë organizon tryezën për gjendjen e prodhimit në Kosovë ku do të diskutohen rekomandimet ndaj Qeverisë së re rreth zhvillimit të mëtutjeshëm të sektorit të prodhimit, me panelistë përfaqësues të bizneseve prodhuese në vend. (Hotel Sirius, ora 9:55)

- Në Gjilan fillon implementimi i programit “Shkollat e Shekullit 21”, i cili mbështetet nga Qeveria e Britanisë, i dizajnuar nga British Council. (Salla e Kuvendit Komunal, ora 11:00)

- Instituti Demokratik I Kosovës / Transparency International Kosova organizon konferencën për media gjatë të cilës do të shpalosën të gjeturat e hulumtimit pilot mbi transparencën e kryeqyteteve evropiane, ku mes 27 kryeqyteteve evropiane është vlerësuar edhe Prishtina. (Salla e konferencave të KDI, ora 12:00)

- Kryetari i Komunës së Prizrenit Mytaher Haskuka do të pret në takim anëtarin e Parlamentit Britanik, John Grogan ku pas takimit do të ketë edhe një konferencë të përbashkët për media. (Shtëpia e Bardhë, ora 13:00)

- Mbahet ceremonia e hapjes se festivalit të edicionit të 9-të të Festivalit të Arteve dhe Kulturës Tradicionale Etnofest. (Etnokompleksi i fshatit Kukaj, ora 18:00)

- Komuna e Prizrenit në kuadër të hartimit të buxhetit për vitin 2020 do të organizojë dëgjime publike me me banorët e rajonit të Zhurit, Vërrinit dhe Vërmicës me qëllim të angazhimit të tyre në procesin e hartimit të buxhetit, transparencës, gjithëpërfshirjes dhe llogaridhënies ndaj qytetarëve. (Shkolla fillore në Zhur, ora 19:00)

- Aleanca Franceze e Prishtinës, Kino Armata dhe Termokiss organizojnë së bashku edicionin e parë të festivalit "Kino nshehër". (Kino Armata te Sheshi, ora 20:00)