26 Maj 2020

Let’s Do It Kosova kërkon përfshirjen e punëtoreve të pastrimit në pakon emergjente

Prishtinë, 31 mars - Organizata “Let’s Do It Kosova” e sheh me shqetësim mospërfshirjen e punëtorëve të Kompanive të Pastrimit në Pakon Emergjente Fiskale, të miratuar nga qeveria në detyrë.

“Let's Do It Kosova” kërkon urgjentisht nga Qeveria e Kosovës ta rishqyrtojë Pakon Emergjente Fiskale dhe doemos brenda saj të fus edhe punëtorët e pastrimit.

Prej vitesh, organizata kërkon që ata të marrin pagën e merituar dhe jo lëmoshën të cilën e gëzojnë aktualisht. Shpresojmë se kjo që ka ndodhur është më tepër një keqkuptim apo harresë sesa një e vërtetë. Përndryshe ky do ishte një lëshim shumë i madh nga Qeveria e Kosovës.

Kushtet e tyre të punës dhe pagat që i marrin ndër vite lënë shumë për të dëshiruar. Ndërsa puna që ata kryejnë është e pakrahasueshme. Përtej rrezikut dhe sëmundjes.

Dhe sikur nuk mungonte vetëm kjo, këta punëtorë nuk janë pjesë as e Pakos Emergjente të cilën e ka ndarë Qeveria e Kosovës për të shpëtuar vendin nga e ashtuquajtura "epidemia ekonomike", drejt të cilës është duke shkuar vendi ynë në këtë situatë pandemie.

Let’s Do It Kosova ka vite që monitoron dhe angazhohet në përmirësimin e  gjendjes së mjedisit në Kosovë dhe gjithmonë në theks të veçante ka vendosur nevojën e trajtimit në një nivel tjetër të punëtorëve të Kompanive të Pastrimit.
 

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)