23 Tetor 2021

Komuna e Rahovecit miraton buxhetin prej 15 milion euro për vitin 2022

Prishtinë, 17 shtator - Kuvendi Komunal në Rahovec mbajti mbledhjen e radhës, nën kryesimin e kryesuesit Afrim Dina dhe në praninë e kryetarit Smajl Latifi, nënkryetarit, Fatmir Iska, ku me 15 vota pro dhe 5 abstenime, këshilltarët e Kuvendit Komunal miratuan buxhetin komunal për vitin 2022.

Drejtori i Drejtorisë për Buxhet dhe Financa, z.Afrim Limani, thotë se buxheti komunal krijohet nga grante qeveritare dhe të hyrat vetanake, dhe theksoi se buxheti duhet të miratohet  si interes i qytetarëve.

Buxheti komunal për vitin 2022 do të jetë 15.053.660.00 euro, ku nga grantet qeveritare janë 13, 703,112.00 € dhe të hyrat vetanake të planifikuara në shumë prej 1.350.548.00 euro.

Për paga dhe mëditje janë dedikuar 7.872.844.00 euro, për mallra dhe shërbime janë të dedikuara 1.735.000.00 euro, shpenzimet komunale kapin shifrën prej 270.000.00 euro.

Për subvencione dhe transfere është paraparë të shpenzohen 360.000.00 euro, ndërkaq për investime kapitale 4.815.816.00 euro.

Kalendari

Ngjarjet e datës 23 Tetor 2021

- Shoqata për Teknologji të Informacionit dhe Komunikimit të Kosovës - STIKK organizon diten e dytë të edicionit te 10-të të festivalit të teknologjisë “KosICT”. (Ambientet e “ITP Park” në Prizren, ora 10:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 11:00)

- Shfaqet video programi "Pranverë e përhershme, behar i vonuar" nga Protocinema në bashkëpunim me Fondacionin Lumbardhi. (Kino Lumbardhi, ora 12:00)

- Mbahet dita e dytë e edicionit te tretë te festivalit Lahuta, Okarina Polifionia. (Ambientet e Qendrës për zhvillimin e kultures tradicionale në Prishtinë, Rruga Xheladin Hana nr. 98, ora 15:00)