15 Tetor 2019

Komuna e Prishtinës përkrah banorët e ndërtesave sociale dhe të veteranëve

Prishtinë, 3 tetor - Ndërmarrja Publike Banesore në bashkëpunim me Drejtorinë për Mirëqenie Sociale në Komunën e Prishtinës, ka vazhduar me shpërndarjen e çipave për banorët e ndërtesave sociale dhe të veteranëve, kësaj radhe në lagjen Fusha e Pajtimit në Prishtinë.

Drejtori i Drejtorisë për Mirëqenie Sociale, Dren Kukaj ka thënë së në shenjë mbështetje ndaj banorëve, renovimi dhe mirëmbajtja e këtyre hapësirave do të jetë falas.

"Përmes renovimit dhe mirëmbajtjes falas të banesave ku familjarët e dëshmorëve, invalidëve dhe veteranëve të luftës jetojnë, po bëjmë një hap para drejt përmirësimit të mirëqenies së kësaj kategorie të lënë anash, duke ju mundësuar hyrje të sigurta, të rregullta dhe të pastra", ka theksuar Kukaj.

NPB sipas tij do të vazhdojë që edhe në të ardhmen të përkujdesemi për të mirën publike, për jetën dhe mirëqenien e të gjithë qytetarëve.

Kalendari

Ngjarjet e datës 16 tetor 2019

- Fillon procesi i numërimit të votave përmes postës. (Qendra e Numërimit dhe Rezultateve,  ora 10:00)

- Instituti Kërkimor për Çështje Evropiane dhe të Zhvillimit bën prezantimin e studimeve të radhës brenda serisë së studimeve rreth fazes finale të dialogut Kosovë-Serbi. (Hotel Swiss Diamond, ora 10:15)

- Ministria e Tregtisë dhe Industrisë shënon Ditën Botërore të Standardeve. (Hotel Emerald, ora 10:30)

- Green Art Center organizon aktivitet në komunën e Vushtrrisë i cili synon të sensibilizojë qytetarët dhe të ndikojë në edukimin e brezave të rinj për rëndësinë e mbrojtjes së mjedisit”. (Sheshin e qytetit “Hasan Prishtina” në Vushtrri, ora 12:00)

- Në kuadër të promovimit të romanit “Elefantët në kopsht” të autores Kureyshi Qendra Multimedia organizon bisedën e hapur të autores zvicerane Meral Kureyshi me gazetarin Enver Robelli. (Qendra Multimedia, rr. 'Idriz Gjilani' në Prishtinë, ora 19:00)