28 Mars 2024

Kompania më e madhe ruse në krizë, kërkon mbështetjen e Putin

Moskë, 14 maj - Sipas gazetës ruse, “Novagazeta”, presidenti i kompanisë më të madhe ruse, Rosneft, është takuar me presidentin Putin dhe ka kërkuar masa mbështetje për industrinë e naftës dhe gazit, si pasoj e pandemisë COVID-19 dhe rënies së çmimeve e kërkesës për naftë.
 
Rosneft pos që është kompania më e madhe ruse, është edhe taksapaguesi më i madh rus, si dhe njëri ndër kontribuesit më të mëdhenj, në financimin e Buxhetit rus me rreth 18%.

Kjo mjafton që të kihet një pasqyrë se në çfarë krize është industria ruse e naftës, deri sa vitin e kaluar kishte financuar buxhetin e shtetit, këtë vit kërkon ndihmën e shtetit.

Sechin ka kërkuar nga presidenti Putin, që të ndihmohet industria e naftës dhe gazit, me qëllim ruajtjen e stabilitetit financiar të kompanive.

Sechin ka thënë se për të ruajtur stabilitetin kompania ka vendosur që si masë të parë, të zvogëloj investimet për rreth 30%.

Sechin kërkoj që në këtë periudhë të vështirë, kur pos zbritjes së çmimeve të naftës ka rënë edhe kërkesa për naftë, të kihet parasysh mundësia e uljes së taksave si për eksploatimin e derivateve ashtu edhe për projektet e kërkimit, për fusha të reja naftëmbajtëse.

Sechin pos ndihmës direkte të shtetit, kërkoj që të shikohet mundësia e zbutjes së kritereve të bankave ruse për dhënien e kredive në vlera më të mëdha, çka do të ishte e mirëseardhur për mbështetjen e programeve investive të industrisë së naftës.

Sipas Sechin në rast që do të kenë mbështetjen e shtetit dhe do të kihen parasysh kërkesat e lartcekura, tejkalimi i krizës pritet të ndodhë për periudhën kohore dy-tri vjeçare.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)