27 Maj 2022

KES voton për komisionet profesionale

Prishtinë, 25 janar - Këshillit Ekonomiko Social (KES) mbajti sot takimine radhës nën kryesimin e kryetarittë Bashkimit i Sindikatave të Pavarura të Kosovës, Atdhe Hykolli.

KES në përbërjen e plotë njëzëri votoi për komisionet profesionale si Komisionin për Legjislacion; Komisionin për Punësim dhe Aftësim Profesional; Komisionin për Paga, Çmime dhe Pensione; Komisionin për Financa, Ekonomi dhe Privatizim; dhe Komisionin për Mbrojtjen Shëndetësore, të Ambientit dhe të Sigurisë në Punë për të Punësuarit.

Komisionet u ngarkuan me detyra dhe përgjegjësi në pajtim me ligjin dhe rregulloren për punën e Këshillit Ekonomiko-Social.

Partnerët socialë, përfaqësuesit e organizatavetë punëdhënësve, të punëmarrëseve dhe të Qeverisë së Republikës së Kosovës Partnerët socialë, anëtarë të KES-it autorizuan Komisionin Profesional për Paga, Çmime dhe Pensione që të vazhdojë diskutimin lidhur me rritjene pagës minimale.

Po ashtu, KES ngarkoi Komisionin Profesional për Legjislacion që të punojë lidhur me negocimin e Marrëveshjes së Përgjithshme Kolektive dhe për çështjet të tjera në kompetencë të punës së këtij këshilli.

Në takimin e sotëm KES formoi edhe një komision adhoc i cili do të bëjë një plan pune dhe brenda muajit do të bie propozimin e pagës minimale për miratim.

Anëtarët e KES-it u pajtuan që të vazhdojë puna dhe diskutimi lidhur me pagën minimale dhe marrëveshjen e përgjithshme kolektive, çështje që janë të një rëndësie të veçantë në të mirëtë ngritjes së mirëqenies së të punësuarve.
 

Kalendari

Ngjarjet e datës 27 maj 2022

- Fillon punimet konferenca “Qasjet Aktuale në Diagnostikimin dhe Menaxhimin e Pacientëve me Sklerozë Multiple, Dita Botërore e Sklerozës Multiple 2022”. (Four Points by Sheraton, Marigona Residencë, ora 9:00)

- Ministri i Ministrisë së Mjedisit, Planifikimit Hapësinor dhe Infrastrukturës, Liburn Aliu raporton para Komisionit për Mjedis, Ushqim, Bujqësi, Planifikim dhe Zhvillim. (Ndërtesa e Kuvendit, salla N302, ora 10:00)

- Drejtoresha e Misionit të USAID-it, Zeinah Salahi, do të flasë në hapjen e Forumit të Bizneseve të Diasporës. (Swiss Diamond Hotel, ora 10:00)

- Kolegji AAB organizon hapjen zyrtare të edicionit të parë të Panairit të Karrierës dhe Punësimit AAB 2022. (Kolegji AAB, ora 10:00)

- Në kuadër të projektit “Evropa Juglindore - Së Bashku Kundër Korrupsionit” mbahet konferenca për media, në të cilën do të prezantohet raporti me titull “Nevoja për institucionalizimin e vlerësimit anti-korrupsion në Kosovë”, në të cilin raport trajtohet ndryshimi e shpeshtë i ligjeve anti-korrupsion dhe nevoja që ndryshimeve të ligjeve tu paraprijë vlerësimi periodik i legjislacionit dhe masave anti-korrupsion. (Hotel Sirius, ora 10:00)

- Oficerë të lartë nga Kroacia dhe Shqipëria që ishin pjesë e UÇK-së bëjnë homazhe në Kompleksin Memorial në Prekaz. (Prekaz, ora 10:00)

-  Zyrtari për Sektorin Privat në USAID, Mathju Kulinajn, bashkë me Ministren e Arsimit, Shkencës, Teknologjisë dhe Inovacionit, Arbërie Nagavci, do të mbajnë fjalë rasti në ceremoninë përmbyllëse të Programit të USAID-it Përkrahje Adoleshentëve pas Mësimit të Rregullt. (Hoteli Emerald, ora 10:30)

- Komuna e Rahovecit bën homazhe te vendi i rënies së dëshmorëve të kombit Sadedin Hajda dhe Mexhit Mustafa. (Hamoc, ora 11:00)

- Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës diskuton rreth emrave të ekspertëve. (Ndërtesa e Kuvendit, salla  N303, ora 11:00)

- Komuna e Rahovecit bën homazhe të vendi i rënies së dëshmorëve të kombit Feim Gashi, Sakip Bellaqa, Përparim Thaqi në fshatin Fortesë. (Fortesë, ora 12:00)

- Qendra për Informim, Kritikë dhe Aksion organizon konferencë për media si pjesë e Javës Kundër Varfërisë Menstruale dhe Stigmatizimit të menstruacioneve. (Para Bibliotekës Kombëtare, ora 12:30)

- Komuna e Rahovecit bën homazhe në vendin e rënies së dëshmorëve të kombit Milaim Morina dhe Xhevdet Krasniqi. (Në rrugën Fortesë-Celinë, ora 13:0)

- Ministrja e  Industrisë, Ndërmarrësisë dhe Tregtisë, Rozeta Hajdari, do të takohet me një delegacion nga Shqipëria, të kryesuar nga ministrja e Ministrisë së Turizmit dhe Mjedisit të Shqipërisë, Mirela Kumbaro, me rastin e organizimit të konferencës “Turizmi i përbashkët Kosovë - Shqipëri”. (Hotel Prishtina, ora 14:00)

- Mbahet konferenca për media e përzgjedhësit Alain Giresse në kuadër të grumbullimit për katër ndeshjet e muajit qershor në UEFA Nations League. (Hotel Emerald, ora 14:00)

- Komuna e Rahovecit bën homazhe në vendin e rënies së dëshmorëve të kombit në fshatin Brestoc. (Brestoc, ora 14:00)

- Kombëtarja e Kosovës i fillon stërvitjet dhe do t’i mbajë dy seanca në Kampin Nacional në Hajvali. (Stërvitja e parë mbahet, ora 10:30 derisa stërvitja e dytë, ora 17:30)