26 Shkurt 2021

Japonia miraton buxhetin më të lartë prej 1.03 trilionë dollarë

Tokio, 21 dhjetor - Japonia ka miratuar buxhetin më të lartë të vendit të gjitha kohërave, duke përfshirë atë të mbrojtjes i cili u rrit në mbi 51 miliardë dollarë.

Agjencia e lajmeve Kyodo raportoi se qeveria e kryeministrit Yoshihide Suga miratoi buxhetin prej 1.03 trilionë dollarë për vitin e ardhshëm fiskal duke filluar në prill të vitit 2021.

Është buxheti më i lartë i vendit deri më tani dhe ka qenë mbi 100 trilionë jen (966 miliardë dollarë) për tre vitet e fundit.

Projekt-ligji i ri i shpenzimeve për vendin vjen në mes të pandemisë së koronavirsit të ri (COVID-19), e cila ka dëmtuar ekonominë teksa Japonia ndeshet me eksporte të ulëta midis rënies së kërkesës jashtë vendit.

Sidoqoftë, Japonia ka ecur përpara me planet e saj për të njoftuar "raketat e reja në gjendje të sulmojnë anijet e armikut". Japonisë do t’i duhen pesë vjet për të ndërtuar raketat.

Projekt-buxheti i Ministrisë së Mbrojtjes arrin në 5.34 trilionë jen (51.7 miliardë dollarë) që është 0,5 për qind më i lartë se viti aktual financiar dhe është një rekord i lartë për vitin e shtatë radhazi.

Projekt-ligji i shpenzimeve të mbrojtjes përfshin po ashtu shpenzime të lidhura me pritjen e bazave ushtarake të SHBA-ve, ndërsa Japonia do të ndërtojë gjithashtu dy anije të reja detare Aegis.

Kyodo njoftoi se rritja e shpenzimeve të mbrojtjes është e lidhur me "ngritjen këmbëngulëse detare të Kinës dhe kërcënimet raketore dhe bërthamore të Koresë së Veriut".

Deputetët opozitarë kanë ngritur shqetësime rreth prodhimit të raketave, duke theksuar se "raketa të tilla që mund të kenë aftësinë për të goditur bazat e armikut do të binin në kundërshtim me Kushtetutën e heqjes dorë nga lufta dhe politikën ekskluzivisht të orientuar drejt mbrojtjes".

Sipas buxhetit të ri, Japonia po ashtu do të testojë teknologjinë e gjeneratës së ardhshme 5G.

Kalendari

Ngjarjet e datës 26 Shkurt 2021

- Mbahet mbledhja e dytë e rregullt e Kuvendit Komunal të Rahovecit. (Salla e mbledhjeve të Kuvendit Komunal në objektin e ri të komunës, ora 10:00)

- Këshilli Organizues ''Pranvera Shqiptare 81'' do të bëj nderime dhe do të vendos lule te varri i varri i Adem Demaçit. (Velani, ora 11:00)

- Organizata Etea, përmbyllë fazën e parë të projektit “Biblioteka Qarkulluese me strategjitë e lexim kuptimit”. (Kino Armata, ora 11:00)

- Ministria e Kulturës, Rinisë dhe Sportit organizon ceremoninë e ndarjes së çmimeve në fushën e trashëgimisë kulturore. (Parku arkeologjik "Ulpiana", ora 12:00)

- Këshilli Organizues ''Pranvera Shqiptare 81'' organizon tryezëm përkujtimore për Adem Demaçin në 85 vjetorin e lindjes. (Instituti Albanologjik në Prishtinë, ora 13:00)

- Partia Socialdemokrate do të mbaj një aktivitet pranë objektit të Komunës së Prishtinës. (Objekti i Komunës së Prishtinës, ora 13:00)

- Qendra për Raste Gjyqësore Strategjike platformë e themeluar nga Grupi për Studime Juridike dhe Politike mban konferencën për media me rastin e dorëzimit të Padisë për Konflikt Administrativ kundër Lejes Ujore për Hidrocentralin Brezovica në Shtërpcë të Lëshuar nga Autoriteti Rajonal i Pellgjeve Lumore në kuadër të Ministrisë së Ekonomisë dhe Ambientit. (Para Pallatit të Drejtësisë, Ndërtesa A, ora 14:00)

- Zëdhënësi i KQZ-së, Valmir Elezi mban konferencë lidhur me progresin në procesin e rinumërimit dhe të aktiviteteve tjera që po zhvillohen në këtë qendër. (Qendra e Numërimit dhe Rezultateve, ora 15:00)