20 Shkurt 2020

ILO paralajmëron rritje të numrit të papunëve në 2020

Gjenevë, 22 janar - Raporti i publikuar nga Organizata Ndërkombëtare e Punës e Kombeve të Bashkuara (ILO), në një kohë kur liderët botërorë janë mbledhur në Davos të Zvicrës për të ngritur shqetësimet e tyre mbi pabarazinë dhe krizën klimatike, paralajmëron se përafërsisht 473 milionë njerëzve në mbarë botë u mungojnë mundësitë e punësimit për të përmbushur nevojat e tyre.

Shkalla e papunësisë në nivel global në vitin 2020 do të shënojë rritje për herë të parë gjatë një dekade, parashikon raporti në fjalë dhe paralajmëron se numri i të papunëve në botë do të rritet me afërsisht 2,5 milionë të tjerë për shkak të nivelit të ulët të rritjes ekonomike në të gjithë botën dhe numri total i të papunëve do t’i kalojë 190 milionët.

Raporti zbulon se vetëm 165 milionë nga 5,7 miliardë njerëz në moshë pune janë të punësuar sot në të gjithë botën, por ata nuk mund të gjejnë një punë me pagë të mirë aq sa të plotësojnë nevojat e tyre.

Gjithashtu 119 milionë njerëz ose kanë hequr dorë nga të kërkuarit në mënyrë aktive të një vendi pune ose nuk kanë qasje në tregun e punës për shkak të rrethanave të tyre personale.

Pabarazia në shpërndarjen e të ardhurave është një çështje tjetër, që raporti e trajton gjerësisht dhe sipas të dhënave që paraqet, 267 milionë njerëz të grupmoshës 15-24 vjeç nuk kanë as punë, as shkollë apo arsim profesional.

Kalendari

Ngjarjet e datës 20 shkurt 2020 - Behën homazhe në nderim te jetës dhe veprës së heroit, Selman Vojvoda. (Varri i heroit, në Llaushë të Skenderajt, ora 9:00)

- Mbahet takimi me Misionin e Komisionit Evropian për Vlerësimin e Programit për Reforma në Ekonomi dhe diskutimin mbi rekomandimet e politikave. (ndërtesa e Qeverisë salla P38,  ora 9:30)

- Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00)

- Kryeministri Albin Kurti dhe Kryetarja e Kuvendit, dr. Vjosa Osmani marrin pjesë në manifestimin “ 31-vjetori i Grevës së Minatorëve të Trepçës”. (Miniera e Trepçës në Stantërg, ora 11:00)

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Mbahet akademi përkujtimore për dëshmorin e Kosovës, Selman Vojvoda, në 30 vjetorin e rënies së tij. (Teatri Kombëtar, ora 12:00)

- Ministri i Punëve të Brendshme dhe Administratës Publike, z. Agim Veliu do të pres në takim ambasadorin amerikan në Kosovë, z Philip Kosnett. (objekti kryesor i MPBAP-së, ora 13:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)

- Komisioni Qendror i Zgjedhjeve mban mbledhjen e radhës me rend dite rekomandim për certifikimin e kandidatëve për zgjedhjet e jashtëzakonshme për kryetar të komunës së Podujevës. . (Objekti i KQZ-së, ora 15:30)

- Zhvillohet ndeshja basketbolliste mes Kosovës dhe Islandës. (Pallati i Rinisë dhe Sportit në Prishtinë, ora 19:00)