Prizren, 21 gusht - Kryetari i Komunës së Prizrenit Mytaher Haskuka dhe drejtori i Drejtorisë për Punë dhe Mirëqenie Sociale Fejzë Kabashi do të vizitojnë disa shtëpi të cilat po ndërtohen në kuadër të projektit “Ndërtimi i shtëpive për familjet skamnore”.

Shtëpia e parë që do të vizitohet është në lagjen “Bajram Curri”, kurse më pas do të vizitohen edhe disa shtëpi në fshatin Zhur.

Komuna e Prizrenit në vitin 2019 ka filluar duke i dalur në ndihmë familjeve skamnore.

Kjo komunë përveç që ka ndërtuar shtëpi për këto familje, këtë vit për herë të parë ka filluar edhe me renovimin e tyre nëse janë të dëmtuara nga vjetërsia.

E kjo është bërë në bazë të planifikimit buxhetor të Drejtorisë Komunale për Punë dhe Mirëqenie Sociale.