29 Nëntor 2020

Gjilani nënshkruan kontratat e subvencioneve me 72 organizata joqeveritare

Gjilan, 22 tetor - Komuna e Gjilanit ka nënshkruar sot kontrata me 72 përfaqësues të organizatave joqeveritare, lidhur me ndarjen e subvencioneve të thirrjes publike për vitin 2020, në shumën prej 124 mijë euro.

“Jam shumë e kënaqur me projekt propozimet që i kanë bërë organizatat, por shpresoj që kjo shumë do të rritet në vitin e ardhshëm. Me kërkesë të kryetarit Haziri, ne e kemi rritur shumën në 124 mijë euro”, ka thënë Deniza Limani, drejtoreshë për Kulturë, Rini dhe Sport.

Limani, gjatë konferencës për media, bëri të ditur se prej këtyre organizatave, 33 janë klube sportive të cilat janë mbështetur në vazhdimësi, sikurse që janë mbështetur organizatat me projekte në fushën e artit vizual, dokumentareve, aftësimet profesionale, festivale të ndryshme dhe organizatat e rinisë.

“Vetëm për kulturë dhe rini kemi ndarë 64 mijë euro, ndërkaq 59 mijë euro janë mbështetje për sportin”, tha ajo, teksa ka falënderuar kryetarin Lutfi Haziri për mbështetjen e madhe në këto fusha të rëndësishme.

​

Kalendari

Ngjarjet e datës 30 Nëntor 2020

- Komisioni për Punë të Jashtme dhe Diasporë zhvillon takim me përfaqësuesit e Ministrisë së Punëve të Jashtme dhe Diasporës lidhur me mbikëqyrjen e zbatimit të Ligjit për Shërbimin e Jashtëm. (Ndërtesa e Kuvendit, salla N303, ora 9:00)

- Instituti GAP dhe Kosovo 2.0 organizojnë tryezë diskutimi virtuale ku do të diskutojnë mbi temë “Rritja e çmimit të sigurimit të veturave”. (Zoom - https://zoom.us/j/93762049067, ora 10:30)

- Mbahet seanca plenare e Kuvendit të Republikës së Kosovës. (Ndërtesa e Kuvendit, ora 10:00)