29 Shkurt 2020

Fuqizimi ekonomik i grave tejet i rëndësishëm për zhvillimin e vendit

Prishtinë, 14 shkurt - Nuk mund të ketë fuqizim të grave dhe vajzave nëse kjo nuk shndërrohet në kauzë të përgjithshme sociale, për të cilën angazhohen fuqishëm edhe gratë edhe burrat. Kjo u tha sot gjatë një tryeze të organizuar nga Oda Ekonomike Amerikane në Kosovë.

Vjosa Osmani, Kryetarja e Kuvendit të Republikës së Kosovës, gjatë këtij takimi theksoi rëndësinë e pjesëmarrjes më të madhe të grave në institucionet kyçe të Kosovës, duke shtuar se tani është koha e duhur që ato të ngrisin zërin e tyre për të kontribuuar në zgjidhjen e problemeve më akute me të cilat ballafaqohen gratë dhe vajzat.

Ajo inkurajoi gratë e suksesshme ndërmarrëse që suksesin e tyre ta shfrytëzojnë duke e shpërndarë modelin dhe të arriturat e tyre për t’i inspiruar dhe inkurajuar të tjerat.

Sipas Osmanit, pabarazitë dhe sfidat gjinore janë ende shumë të mëdha në secilin profesion, duke theksuar më tej nevojën e fuqizimit ekonomik të grave, e sidomos të atyre që jetojnë në vende rurale.

Pjesë e panelit të këtij diskutimi ishin edhe Kujtesa Nezaj Shehu, Udhëheqëse e Zyrës në SDP Kosovë; Brikena Avdyli, Drejtoreshë Ekzekutive në Jahjaga Foundation; Merita Limani, Menaxhere e Projektit në Këshillin Evropian, dhe Syzane Aliu, Pronare e Magic Ice, të cilat ndanë përvojat e tyre personale të rrugëtimit në biznes dhe të zhvillimit profesional. 

Kalendari

Ngjarjet e datës 29 shkurt 2020 - Drejtoria e Shëndetësisë së bashku me Qendrën Kryesore të Mjekësisë Familjare, do të ofrojnë kontrolle të përgjithshme mjekësore pa pagesë për sëmundje të traktit urinar ku me pas do të ketë prononcim për media nga drejtori i Drejtorisë së Shëndetësisë, Visar Shehu. (Qendra Kryesore e Mjekësisë Familjare, ora 10:00)

- Federata e pingpongut të Kosovës do të organizojë Kampionatin Individual të Kosovës për Seniorë “Adem Jashari”. (Shkolla fillore Tefik Çanga në Ferizaj, ora 10:00)

- Mbahet Kuvendi i Punës i Federatës i Basketbollit i Kosovës (FBK). (Hotel International Prishtina & SPA, ora 10:00)

- Qendra e Levizjes në Prishtinë mban konferencë për media. (Zyret qendrore të Lëvizjes në Arbëri, ora 11:00)

Anibar International Animation Festival organizon bashkëlexim dhe diskutim në Klubin e Kinemasë “Jusuf Gërvalla” në Pejë. (Kinema “Jusuf Gërvalla”, në Pejë ora 12:00)

- Mbahet ceremonia përmbyllëse për Garën Kombëtare për Kitarë, ku do të shpallen rezultatet dhe fituesit që do ta përfaqësojnë Kosovën në Garën Ndërkombëtare që do të mbahet në Qershor 2020, në Monheim në Gjermani. (Amfiteatri i Pallatit të Rinisë, ora 18:00)