23 Shkurt 2019

FMN ulë parashikimin për rritjen e ekonomisë gjermane

Berlin, 6 korrik - Fondi Monetar Ndërkombëtar (FMN) ka ulur parashikimin për rritjen e ekonomisë gjermane në vitin 2018, nga 2.5% në 2.2%, si pasojë e vështirësive të mundshme të "Brexit"-it dhe e proteksionizmit në rritje e sipër, veçanërisht në ShBA.

Rritja ekonomike e Gjermanisë pritet të jetë 2.1% në vitin 2019, njoftoi të enjten agjencia gjermane e lajmeve DPA, duke iu referuar një raporti të FMN-së.

Raporti vuri në dukje gjithashtu se papunësia në Gjermani do të ulet pak në vitin 2019 duke arritur në 3.5%, ndërkohë inflacioni do të mbahet i qëndrueshëm në 1.7%. 

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)