20 Maj 2019

FMN ul rritjen e parashikuar të ekonomisë globale

Washington, 10 tetor - Fondi Monetar Ndërkombëtar ka paralajmëruar se lufta tregtare midis ShBA-së dhe Kinës rrezikon ta bëjë botën një "vend më të varfër dhe më të rrezikshëm" në vlerësimin e tij të fundit për ekonominë globale.

FMN-ja e ka ulur parashikimin e vet për rritjen globale sivjet dhe vitin e ardhshëm.

Rritja ekonomike globale tani pritet të arrijë në 3.7 % në vitet 2018 dhe 2019, nga 3.9% që ishte parashikimi i mëparshëm i FMN-së në korrik.

FMN-ja shprehet se një luftë e plotë tregtare midis ShBA-së dhe Kinës do të pengonte ndjeshëm rimëkëmbjen ekonomike.

Kryeekonomisti i FMN-së, Maurice Obstfeld, thotë se pengesat e mëtejshme tregtare do të godasin familjet, bizneset dhe ekonominë në përgjithësi. 

Kalendari

Ngjarjet e datës 20 maj 2019  - Vazhdimi i Seancës plenare e Kuvendit të Republikës së Kosovës. (Kuvendi i Kosovës, ora 10:00)

- Mbahet mbledhja e komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për ndryshimin dhe plotësimin e Ligjit për financimin e subjekteve politike. (Ndëresa e Kuvendit, salla N 303, ora 10:00)

- Mbahet takimi i rregullt i Komitetit për Politik dhe Financa i Komunes se Pejes. (Salla e takimeve, zyra e kryesuesit Islam Husaj, ora 10:00)

- Ministri i Arsimit, Shyqyri Bytyqi dhe Koordinatori i testit nacional Rexhep Hoti raportojn para Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me testin e organizuar në shkollat e Kosovës. (Ndëresa e Kuvendit, salla N 303, ora 13:00)
 
- Shoqata Down Syndrome Kosova mban konferencë për media për të njoftuar lidhur me sjellën në Kosovë të grupit te vallëzimit “Larondina” nga Britani e Madhe. (Hotel Parlament në Prishtinë, ora 18:00)

- Presidenti i Republikës së Kosovës, Hashim Thaçi, merr pjesë në Akademinë Përkujtimore për heroin Enver Topalli. (Teatri Kombëtar i Kosovës, ora 12:00)