30 Shtator 2020

Fillon përgatitja e programit të reformave në ekonomi

Prishtinë, 4 gusht - Në kuadër të dialogut për qeverisjen ekonomike ndërmjet Kosovës dhe BE-së, Qeveria e Kosovës për herë të shtatë do të përgatisë Programin e Reformave në Ekonomi.

Bashkimi Evropian i kushton shumë rëndësi procesit të qeverisjes ekonomike me vendet e zgjerimit në mënyrë që ato të jenë të gatshme për pjesëmarrjen e tyre eventuale në Semestrin Evropian duke kërkuar që të përgatisin dhe të dorëzojnë Programet e tyre vjetore të Reformave në Ekonomi (PRE).

PRE përmban parashikimet afatmesme makroekonomike, planet buxhetore për tri vitet e ardhshme dhe një agjendë të reformave strukturore.

Dialogu në fund përmbyllet me takimin e nivelit të lartë ndërmjet BE-së, Ballkanit Perëndimor dhe Turqisë gjatë të cilit pjesëmarrësit miratojnë Konkluzionet e Përbashkëta që përfshijnë udhëzime të politikave specifike për vendin e që pasqyrojnë nevojat më imediate  të reformave në ekonomi për 12 muajt e ardhshëm. 

Prandaj, duke u bazuar në Vendimin e Qeverisë Nr.04/18 së datës 29 korrik 2020 për procesin e përgatitjes së Programit për Reforma në Ekonomi 2021-2023, Ministrja e Financave, Hykmete Bajrami ka ftuar takimin konsultativ rreth fillimit të këtij procesi, i cili do të mbahet sot në Ndërtesën e Qeverisë.

Takimi synon të diskutojë rëndësinë e procesit të Programit të Reformave në Ekonomi (PRE), Udhëzuesin e ri për PRE 2021-2023, duke përfshirë prioritetet e reformave strukturore riprioritizimin e tyre për të mbështetur në mënyrën më adekuate rimëkëmbjen nga kriza Covid-19 dhe propozimin e masave të rimëkëmbjes së post-Covid 19.

Për shkak të situatës nga kriza Covid -19, pjesëmarrësit e takimit do të jenë ministrat e përfshirë në proces të PRE dhe koordinatorët e fushave nga ministritë e linjës, kurse përfaqësuesit e BE-së në Kosovë, ambasadat e vendeve anëtare të BE-së, partnerët zhvillimorë dhe institucionet ndërkombëtare financiare, përfaqësues nga shoqëria civile dhe sektori privat do të njoftohen rreth diskutimeve dhe minutave të takimit. 

Kalendari

Ngjarjet e datës 1 Tetor 2020

- Me rastin e Ditës Botërore për të Moshuarit, ministri i Punës dhe Mirëqenies Sociale, Skender Reçica do të bëjë një vizitë në Shtëpinë për Persona të Moshuar pa Përkujdesje Familjare në Prishtinë. (Shtëpia për Persona të Moshuar pa Përkujdesje Familjare, ora 9:00)

- Ministri i Punës dhe Mirëqenies Sociale, Skender Reçica do të bëjë një vizitë në zyrat e Lidhjes së Pensionistëve të Kosovës në Prishtinë. (Zyrat e Lidhjes së Pensionistëve të Kosovës, ora 9:30)

- Ministrja e Kulturës, Rinisë dhe Sportit, Vlora Dumoshi do të ndajë çmimet vjetore për kinematografi. (Kabineti i ministres Dumoshi, ora 10:00)

- Komisioni Parlamentar në lidhje me menaxhimin e pandemisë së virusit COVID-I9 nga ana e Qeverisë së Republikës së Kosovës voton për ekspertin e shëndetit publik si dhe diskuton me ekspertët rreth angazhimit të tyre. (Ndërtesa e Kuvendit, salla N302, ora 11:00)

- Universiteti “Kadri Zeka” në Gjilan nis vitin e ri akademik 2020/2021. (Universiteti “Kadri Zeka” në Gjilan, ora 11:30)

- Nënkryetari i Komunës së Prizrenit, Visar Shehu do të merr pjesë në aktivitetin sensibilizues të organizuar nga Drejtoria e Shëndetisë dhe QKMF me rastin e shënimit të muajit të Kancerit të Gjirit. (Sheshi “Shatërvan” në Prizren, ora 11:30)

- Kryetari i Komunës së Prizrenit, Mytaher Haskuka, do të merr pjesë në përurimin e klasave parashkollore të SHFMU “Mati Logoreci”, të renovuara nga KFOR-it Turk në Kosovë. (Shkolla “Mati Logoreci” në Prizren, ora 12:00)

- - Kryetari i Komunës së Prizrenit, Mytaher Haskuka do të merr pjesë edhe në fillimin e punimeve të rrugës Arbanë - Landovicë në Prizren. (Në afërsi të varrezave të dëshmorëve në Landovicë, ora 12:30)

- Kryeministri Avdullah Hoti merr pjesë në fillimin e punimeve të rrugës Arbanë-Landovicë. (Landovicë, Varrezat e Dëshmorëve, ora 12:30)  

- Kryeministri Avdullah Hoti viziton komunitetin boshnjak në Reçan. (Reçan, ora 13:30)

- Në sallën e gjyqit të Dhomave të Specializuara të Kosovës në Hagë do të mbahet paraqitja e parë e Hysni Gucatit. (https://www.scp-ks.org/sq/transmetim, ora 15:00)

- Kryeshefi Ekzekutiv i Korporates Financiare te Zhvillimit Ndërkombëtar të ShBA-ve, Adam Boehler mban një konferencë telefonike për shtyp në të cilën do të diskutojë sesi delegacioni i fundit i qeverisë amerikane në Greqi, Kosovë, Serbi, Izrael dhe Marok avancoi marrëveshjet ekonomike dhe investimet e sektorit privat për të mbështetur zhvillimin global dhe politikën e jashtme të SHBA. (https://www.eventbrite.com/e/telephonic-press-briefing-with-us-international-development-finance-tickets-123158497381, ora 17:00)