23 Mars 2019

FAO bën thirrje për zhdukjen e urisë në Azi-Paqësor

Romë, 16 prill - Organizata e Ushqimit dhe e Bujqësisë e OKB-së (FAO) u bëri thirrje ditët e fundit vendeve dhe rajoneve të Azi-Paqësorit të shtojnë përpjekjet për zhdukjen e urisë, duke punuar së bashku për të përballuar ndikimin e ndryshimeve të klimës mbi bujqësinë.

Javën e kaluar u organizua në Fiji Konferenca e 34-të Rajonale për Azi-Paqësorin e FAO-s, ku morën pjesë mbi 40 vende dhe rajone anëtare të kësaj organizate.

Sekretari i përgjithshëm i FAO-s José Graziano da Silva theksoi se në Azi-Paqësor, afro 500 milionë veta përballen me kërcënimin e urisë.

Sipas tij, duhet të bëhen më shumë përpjekje për ta krijuar marrëdhënie më të forta partneriteti, me qëllim që të realizohen objektivat e Agjendës së Zhvillimit të Vazhdueshëm 2030, si zhdukja e urisë etj.

Gjatë konferencës u theksua marrja e masave për përballimin e pasojave të ndryshimit të klimës ndaj bujqësisë. 

Kalendari

Ngjarjet e datës 23 mars 2019 - Federata e pingpongut të Kosovës në bashkëpunim me Kpp Vitia nën patronatin e Komunës së Vitisë do të organizoj Turneun për senior Flakadani i Karadakut. (Salla e Shkollës së Mesme Teknike 'Jonuz Zejnullahu' në Vitiora, ora 9:30)

- Shoqata "Miqtë e Amerikës" do ta bëjë zëvendsimin e flamurit amerikan te shtatorja e Bill Clintonit në Prishtinë, me një të ri. (Shtatorja e Bill Clintonit, ora 11:00)

- Gjimnazi “Hasan Nahi”, në kuadër të Fondacionit për Arsim dhe Kulturë “Atmosfera”, organizon edicionin e gjashtë me radhë - Garën e Inteligjencës "Eureka 6". (Ambienti i Gjimnazit “Hasan Nahi” në Prishtinë, ora 11:00)

- Kryeparlamentari Kadri Veseli merr pjesë në shënimin e 30-vjetorit të demostratave të 23 marsit 1989 me nismëtare gratë dhe vajzat e Balajve. (Teatri “Adriana” - Ferizaj, ora 11:00)

- UBT dhe Raiffeisen Bank mbajnë garën më të madhe në vend “Data Science Hackathon”. (Kampusi i UBT-së në Lipjan, ora 11:00)

- Kryeministri Ramush Haradinaj bënë homazhe te Pllaka Memoriale e ushtarëve të KFOR-it, të rënë gjatë shërbimit në Kosovë. (Sheshi “Nëna Terezë”, ora 12:00)

- Kryeministri Ramush Haradinaj bënë homazhe te Pllaka Përkujtimore me emrat e ushtarëve britanikë, që humbën jetën në shërbim në Kosovë. (Sheshi “Edit Durham”, afër Hotelit Grand, ora 12:10)