29 Mars 2024

Ekonomia e Japonisë tkurret me ritmin më të shpejtë që nga viti 2014

Tokio, 17 shkurt - Ekonomia e Japonisë, në fund të vitit 2019, është tkurrur me ritmin më të shpejtë në pesë vjet.

Sipas shifrave zyrtare, bruto prodhimi i brendshëm vjetor ka rënë për 6.3 për qind në periudhën tetor-dhjetor.

Tkurrja e tillë është e para në më shumë se një vit dhe më e madhja që nga viti 2014, kur rënia ka qenë 7.4%.

Faktorët kryesorë për këtë vlerësohet të jenë: rritja e taksave të shitjeve, kërkesa më e dobët globale dhe pasojat e një tajfuni.

Ka shqetësime se shpërthimi i një koronavirusi në Kinë mund ta ndikojë ekonominë në Japoni edhe këtë tremujor.

Kjo ka rritur frikën se Japonia, ekonomia e tretë më e madhe në botë, mund të bie në recesion.

Në përgjigje të të dhënave të sotme, ministri i Ekonomisë i Japonisë, Yasutoshi Nishimura, tha se Qeveria japoneze është e gatshme të ndërmarrë të gjithë hapat e nevojshëm për të trajtuar ndikimin e shpërthimit të koronavirusit në ekonomi dhe turizëm.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)