Prishtinë, 6 nëntor - Komiteti ndërkombëtar për dokumentimin dhe konzervimin e Modernizmit ka reaguar rreth së ardhmës së rrezikuar dhe shkatërimit të objekteve që i përkasin periudhës së modernizmit e që janë nën menaxhimin e Agjencionit Kosovar të Privatizimit.

 Bekim Ramku drejtor i KAF ka thënë se në letrën që i është dërguar drejtorit menaxhues të AKP-s Valon Tolaj DoCoMoMo cek disa nga objektet në Prishtinë të cilat janë të rrezikuara nga jokonsiderata e treguar nga AKP-ja për trashëgiminë moderne të Kosovës, të cilën DoCoMoMo_International e vlerëson si pjesë shumë të rëndësishme të Modernizmit Evropian.

"DoCoMoMo_International cek se pas tentimit për tu takuar me menaxhmentin e AKP-së dhe neglizhencës së treguar nga ana e tyre, kjo letër do i dërgohet insitucioneve relevante të Kosovës dhe atyre ndërkombëtare". ka theksuar Ramku. 

DoCoMoMo_International është nisma me e madhe globale që angazhohet për mbrojtjën e Modernizmit, si dhe shërben si trup konsultues për UNESCO-n.