02 Mars 2021

Buxheti i Arabisë Saudite shënon deficit prej mbi 49 miliardë dollarë

Riad, 29 tetor - Buxheti i Arabisë Saudite njoftoi një deficit prej 49.2 miliardë dollarë në 9 muajt e parë të vitit 2020.

Sipas njoftimit të Ministrisë së Arabisë Saudite për shkak të rënies së çmimeve të naftës gjatë pandemisë së koronavirusit të ri (COVID-19) të ardhurat e përgjithshme të buxhetit ranë me 24 për qind në nëntë muajt e parë të vitit 2020 duke arritur në 144.4 miliardë dollarë.

Ndërsa shpenzimet e shteti në periudhën e 9 muajve të parë ranë me 3 për qind duke arritur në 193.6 miliardë dollarë.

Buxheti i të njëjtës periudhë vitin e kaluar ishte 190.3 miliardë dollarë.

Të ardhurat e vendit nga nafta shënuan rënie prej 33 për qind në bazë vjetore si rezultat i rënies së çmimeve globale të naftës, e cila gjithashtu ka shkaktuar deficit në buxhet.

Për shkak të masave të marra ndaj COVID-19 edhe të ardhurat jashtë naftës kanë shënuar rënie me 5 për qind.

Borxhi publik i Arabisë Saudite që ishte 180.8 miliardë dollarë në fund të vitit 2019, në tre-mujorin e tretë të këtij viti ka shënuar një rritje prej 25 për qind duke arritur në 226.14 miliardë dollarë.

Kalendari

Ngjarjet e datës 2 Mars 2021

- U.d. Presidentja Vjosa Osmani pret në takim të ngarkuarin e BE-së për dialogun Kosovë-Serbi, Miroslav Lajçak. (Kabineti i Presidentes, ora 8:00)

- Kryetari i Partisë Demokratike të Kosovës, Enver Hoxhaj pret në takim përfaqësuesin e BE-së për dialogun Kosovë - Serbi, Miroslav Lajçak. (Zyret e Selisë Qendrore të PDK-së, ora 9:50 - mediat të marrin pamje nga ky takim)

- Komisioni Rregullativ i Prokurimit Publik dhe USAID në Kosovë, lansojnë dy module të reja të prokurimit elektronik. (Hotel Swiss Diamond, ora 10:00)

-  Koalicioni ad-hoc i organizatave të shoqërisë civile dhe aktivistëve mbajnë konferencë për media, me ç’rast do të bëhet dorëzimi i përgjigjes në padinë e ngritur nga kompania KelKos Energy Sh.p.k ndaj aktivistes Shpresa Loshaj.  (Para objektit të Gjykatës Themelore, dega Deçan, ora 11:00)  

- Naša Inicijativa organizon protestë paqësore kundër uzurpimit të vendeve të garantuara në parlament si pasojë e një procesi jodemokratik zgjedhor dhe të kompromentuar nga manipulime në zgjedhjet e parakohshme parlamentare më 14 shkurt 2021. (Pikënisja e protestës fillon nga Hotel Grandi, ora 12:00)