15 Gusht 2020

Bullgaria dhe Kroacia përgatiten për implementimin e Euro-s

Frankfurt, 13 korrik - Bullgaria dhe Kroacia janë pranuar në mekanizmin valutor ERM-II dhe në Bashkimin Bankar dhe gjatë 3 vjetëve të ardhshme do të përgatiten për implementimin e valutës së përbashkët evropiane, bëri të ditur Banka Qendrore Evropiane.

Në këtë mënyrë Eurozona mund të zgjerohet me anëtarë të rinj për herë të parë që nga viti 2015 e këtej, kur Letonia u bë anëtarja e 19-të.

“Ky është një akt historik, i cili do të ketë rëndësi të madhe për të ardhmen e Bullgarisë”, tha guvernatori i Bankës Popullore Bullgare Dimitër Radev në brifingun kushtuar pranimit të Bullgarisë në ERM-II. Ministri i financave Vlladisllav Goranov shtoi se ky akt është aq i rëndësishëm siç ishte aderimi i vendit tonë në NATO dhe në BE, kurse hapi tjetër logjik është përdorimi i euros në Bullgari.

Hyrja e euros në qarkullim në Bullgari është e mundshme jo më herët se 2023. Banka Qendrore Evropiane caktoi kursin e këmbimit të levit bullgar 1,95583 për 1 euro.

Kalendari

Ngjarjet e datës 15 Gusht 2020

Me rastin e 22 vjetorit të rënies së dëshmorit të kombit, Remzi Ademaj - Komandant Petriti, Komuna e Prizrenit në bashkëpunim me Shoqatën e Veteranëve të Luftës organizon aktivitete përkujtimore.

10:00 - Homazhe në varrezat e dëshmorëve në Landovicë

10:30 - Homazhe tek vendi i rënies në Nashec

11:00 - Homazhe tek monumenti i Lirisë

11:30 - Dhënia vullnetare e gjakut në repartin e transfuzionit të gjakut në Spitalin Rajonal të Prizrenit.

Për shkak të distancës nga qyteti, për këtë aktivitet do të ketë transport të organizuar nga ana e Komunës. Nisja do të bëhet në ora 9:15 nga Shtëpia e Bardhë.