21 Gusht 2018

BSPK e pakënaqur me qeverinë, do të vazhdoj me presionet sindikale

Prishtinë, 11 shkurt - Bashkimi i Sindikatave të Pavarura të Kosovës (BSPK) pas mbledhjes së jashtëzakonshme të Kryesisë Ekzekutive të mbajtur me sot ka shprehë pakënaqësinë lidhur me mos plotësimin e kërkesave të BSPK-së, të parashtruara edhe më herët para Qeverisë së Republikës së Kosovës dhe instancave tjera qeveritare.

Kryetari i BSPK-së, Avni Hajdini ka thënë se nga të gjitha Sindikatat e BSPK-së të përfaqësuara në Kryesinë Ekzekutive, në këtë mbledhje të jashtëzakonshme, u vendos që të vazhdohet me presionet sindikale për realizimet e qëllimeve sindikale dhe u citua se BSPK-ja nuk do të lejon që të shkelen të  drejtat elementare të punëtorëve.

Andaj, Bashkimi i Sindikatave të Pavarura të Kosovës sipas tij kërkon nga Qeveria që sa më shpejt të rregullohet Çështja e skemës pensionale, për punëtorët e larguar me dhunë nga puna gjatë të viteve të ’90, Çështja e pagës minimale në vlerën prej 250 Euro, Rritja e pagave, Çështja e rregullimit të sigurimit shëndetësorë për të punësuarait.

"BSPK-ja është e vendosur që të mos i ndaloj veprimet dhe presionet sindikale deri në realizimin e çështjeve të cituara me lartë, andaj përkushtimi i BSPK-së do të jetë maksimal për realizmin e  të drejtave elementare për punëtorët e vendit", ka theksuar Ajdini.


 

Kalendari

Ngjarjet e datës 21 Gusht 2018  - Kryesia e Bashkësisë Islame të Kosovës organizon manifestimin qendror, kushtuar festës së Kurban - Bajramit Xhamine e Madhe në Prishtinë. (Xhamia e Madhe në Prishtinë, ora 5:10)

- Me rastin e festës së Kurban - Bajramit, Ditën e parë, kryesia e e Bashkësisë Islame të Kosovës, si tradicionalisht organizon pritje përurimi. (Selia e Kryesisë, ora 9:00)

- Kryeministri Ramush Haradinaj me rastin e Festës së Kurban Bajramit, viziton Bashkësinë Islame të Kosovës. (Bashkësia Islame e Kosovës, ora 9:00)

- Kryeparlamentari Kadri Veseli, me rastin e Festës së Kurban Bajramit, viziton Bashkësinë Islame të Kosovës. (Selia e Bashkësisë Islame të Kosovës, ora 10:30)

- Me rastin e festës së Kurban Bajramit, kryetari i Bashkësisë Islame të Kosovës, Myftiu Naim Tërnava, do të bëjë dorëzimin e dhuratave si donacionit në vlerë prej 7.500 euro për 250 fëmijë në Klinikën e Pediatrisë në QKUK. (Klinika e Pediatrisë, ora 12:30)

- Kryetari i Bashkësisë Islame të Kosovës, Myftiu Naim Tërnava, do të shpërndajë dhurata për 70 fëmijë te SOS Fshatit në vlerë prej 2.450 euro. (SOS Fshati, ora 13:30)

- Mbahet Festivali i promovimit të Kulturës dhe Muzikës Romë në Graqanicë. (Lagja rome në Graqanicë, ora 18:00)