13 Prill 2021

Borxhi publik i Rusisë brenda vitit rritet me 40 për qind

Moskë, 25 shkurt - Borxhi publik i Federatës Ruse gjatë vitit 2020 është rritur me 5.4 trilionë rubla apo 73.5 miliardë dollarë, rritje e cila nëse shprehet në përqindje i bije rreth 40%. Këto rezultate dalin nga publikimi i Dhomës së llogarive të Federatës Ruse.

Në rritjen e borxhit publik në Rusi ka ndikuar rënia e të hyrave buxhetore, ku të hyrat buxhetore të vitit 2020 ishte për 9.1% më pak se ato të planifikuara.

Nëse i krahasojmë të hyrat e vitit 2020 me ato të vitit 2019, atëherë të hyrat buxhetore gjatë vitit 2020 ishin më të ulëta për 7.3%.

Ndër sektorët që kishte më së shumti rënie te të hyrave ishte Industria e naftës dhe gazit, industri e cila merr pjesë në formimin e buxhetit rus me rreth 50%. Të hyrat nga nafta dhe gazi kishin rënie prej 2.2 trilionë rubla (rreth 30 miliardë dollarë), shprehur në përqindje 30.4%.

Kjo ka ndikuar që deficiti buxhetorë në Rusi, gjatë vitit 2020 të jetë më i larti në 10 vitet e fundit, duke arritur në 3.8% të Produktit të Brendshëm Bruto (PBB).

Zvogëlimi i të hyrave buxhetore dhe rritja e deficitit ka ndikuar në rritjen e borxhit publik të Federatës Ruse, borxh i cili në fund të vitit 2020 ka arritur në 18.9 trilionë rubla (258 miliardë dollarë) apo rreth 17.8 të PBB.
 

Kalendari

Ngjarjet e datës 13 Prill 2021

- Mbahet mbledhja e Komisionit për Ekonomi, Industri, Ndërmarrësi dhe Tregti në të cilën do të behët konstituimi i Komisionit. (Ndërtesa e Kuvendit, salla N303, ora 10:00)

- Mbahet seanca gjyqësore kundër të pandehurit Basri Maksuti për vepren penale 'Falsifikimi i rezultateve të votimit'. (Gjykata Themelore në Ferizaj, ora 10:00)

- Mbahet mbledhja e Komisionit për Qeverisje Lokale, Zhvillim Rajonal dhe Media në të cilën do të behët konstituimi i Komisionit. (Ndërtesa e Kuvendit, salla N204, ora 10:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N302, ora 10:00)

- Rolling Film Festivali i cili organizohet nga OJQ Roma Versitas Kosovo dhe Romawood mban konferencën për media. (Kino Armata, ora 11:00)

- Mbahet mbledhja konstituive e komisionit për Integrim Evropian. (Ndërtesa e Kuvendit, salla N10, ora 11:00)

- Mbahet mbledhja konstituive e komisionit për Shëndetësi. (Ndërtesa e Kuvendit, salla N302, ora 11:00)

- Fondi i Sfidave të Kosovës organizon eventin online për shpalljen e thirrjes së parë për shprehje interesi, në mbështetje të projekteve të trajnimit bashkëpunues. (Platforma Zoom, ora 11:00)

- Akademia Diplomatike e Ministrisë së Punëve të Jashtme dhe Diasporës dhe Ambasada e Republikës së Francës në Republikën e Kosovës, nënshkruajnë Memorandum Mirëkuptimi. (Ministria e Punëve të Jashtme dhe Diasporës, ora 11:30)

- Mbahet mbledhja konstituive e komisionit për Bujqësi, Pylltari, zhvillim Rural, Mjedis dhe Infrastrukturë. (Ndërtesa e Kuvendit, salla N303, ora 13:00)

- Partia Liberale Egjiptiane do të dorëzojë ankesë në Gjykatën Kushtetuese lidhur me te drejtën e tyre të mohuar nga PZAP-ja dhe Gjykata Supreme në lidhje orkestrimin e votave nga ana e “Romani Iniciativa” në vendbanime me shumicë të komunitetit Serb në zgjedhjet e parakohshme të 14 Shkurtit. (Gjykata Kushtetuese, ora 13:00)

- Mbahet mbledhja konstituive e komisionit për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N302, ora 13:00)

- Aleanca Kosovare e Bizneseve mban konferencën për media lidhur me një studim hulumtues për qytetarët kosovar që vizituan Shqipërin dhe Malin e Zi, si pasojë e kufizimit dhe mbylljes në Kosovë e që këto patën pasoja ekonomike dhe financiare për vendin tonë. (Zyret e AKB-së, ora 13:30)