03 Dhjetor 2020

Borxhi global rritet arrinë në 272 trilionë dollarë

New York, 19 nëntor - Në tre tremujorët e parë të vitit 2020, borxhi global u rrit me 15 trilionë dollarë duke arritur në gjithsej 272 trilionë dollarë pasi pandemia e koronavirusit të ri (COVID-19) detyroi mbylljen e bizneseve dhe shkurtimin e vendeve të punës.

Sipas Institutit Ndërkombëtar të Financave (IIF), pas një rritjeje të madhe në nivelin e borxhit global ndaj prodhimit të brendshëm bruto (PBB), respektivisht krahasuar me gjysmën e parë të vitit të kaluar nga 320 për qind në 362 për qind, rritja në tremujorin e tretë ishte më modest, për shkak të rimëkëmbjes së fortë globale.

Deri në fund të këtij viti, borxhi global pritet të arrijë në 277 trilionë dollarë apo 365 për qind e PBB-së botërore.

Deri në fund të tremujorit të tretë, niveli i borxhit ndaj PBB-së në tregjet e ekuilibruara ishte 432 për qind ndërsa në tregjet në zhvillim ishte 250 për qind.

Në shkallë globale, deri në fund të tremujorit të tretë borxhi i korporatave jo-financiare ishte 79.6 trilionë dollarë, i qeverive 77.6 trilionë dollarë, sektori financiar 65.6 trilionë dollarë dhe ekonomia shtëpiake 49.2 trilionë dollarë.

Pas shfaqjes për herë të parë dhjetorin e kaluar në Kinë, me koronavirus janë konfirmuar mbi 56.2 milionë raste në mbarë botën, prej të cilëve mbi 1.34 milionë kanë vdekur.

Masat për të frenuar përhapjen e pandemisë, të tilla si qarkullimi i ndaluar dhe ndalimet e udhëtimit, në mbarë botën kanë ndikuar ndaj veprimtarisë ekonomike në mënyrë dramatike.

Kalendari

Ngjarjet e datës 3 Dhjetor 2020

- Me rastin e Ditës Ndërkombëtare të Personave me Aftësi të Kufizuara, Handikos mban konferencën lansuese të Raportit vlerësues mbi qasshmërinë e fëmijëve me aftësi të kufizuara në ndërtesat shkollore të nivelit fillor dhe të mesëm të ulët në Kosovë. (Qendra e Resurseve të Handikos në Veternik, ora 9:30)

- Gjykata Themelore në Ferizaj mban seancën kundër të pandehurit Ibrahim Mustafa Keqpërdorimi i pozitës apo autoritetit zyrtar. (Gjykata Themelore në Ferizaj, ora 9:30)

- Kuvendi i Kosovës mban seancë te veçantë në të cilën do të mbahet debat parlamentar për gjendjen e të drejtave të personave me aftësi të kufizuara në Republikën e Kosovës. (Kuvendi i Kosovës, ora 10:00)

-  Komisioni për Integrim Evropian shqyrton Projektligjin për rimëkëmbjen ekonomike – COVID-19, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N302, ora 10:00)

-  Komisioni për të Drejtat dhe Interesat e Komuniteteve dhe Kthim shqyrton Projektligjin për Rimëkëmbjen Ekonomike - COVID-19, me raport amendamente të Komisionit funksional për Buxhet dhe Transfere. (Ndërtesa e Kuvendit, salla N303 Koha: 10:00  

- Për nder të Ditës Ndërkombëtarë për Personat me Nevoja të Veçanta, ushtruesja e detyres Presidentja, dr.Vjosa Osmani bashkërisht me ambasadorin Britanik, Nicholas Abbott dhe ministrin e Arsimit, Ramë Likaj  nënshkruajnë panon e zotimit për gjithëpërfshirje. Oborri i Kuvendit të Republikës së Kosovës (hyrja nga sheshi, ora 11:30)

- OJQ EC Ma Ndryshe organizon aktivitetet ndërgjegjësuese që ka qëllim të përcjell porosinë vetëdijësuese për eliminimin e pengesave që janë krijuar për shkak të mungesës së gjithëpërfshirjes. (Parku i Qytet në Prizren, ora 11:00 - Keji përballë xhamisë së “Sinan Pashës”, ora 12:00 - Marash, ora 13:00)