13 Gusht 2020

BE shënon suficit tregtar prej 224.3 miliardë dollarë në 2019

Bruksel, 15 shkurt - Bilanci i tregtisë së jashtme të Bashkimit Evropian shënoi tepricë prej 200.3 miliardë euro vitin e kaluar, bëri të ditur sot Zyra e statistikave të bllokut.

Sipas Eurostat, suficiti tregtar u rrit me 31.9 për qind krahasuar me vitin e kaluar në vitin 2019, nga 151.8 miliardë euro në vitin 2018.

Mesatarja e kursit të këmbimit euro/dollar ishte 1.12 vitin e kaluar, duke shënuar rënie nga 1.18 sa ishte në vitin paraprak.

Eksportet e BE-së u rritën me 3.5 për qind në 2.13 trilionë euro ndërsa importet ishin 1.93 trilionë euro, me 1.3 për qind, në shtatë muaj në bazë vjetore.

Tregtia brenda 28 vendeve anëtare të BE-së u rrit me 1.4 për qind për të arritur në 3.06 trilionë euro krahasuar me të njëjtën periudhë të një viti më parë.

SHBA-ja ishte partneri kryesor tregtar i bllokut, me 384.4 miliardë euro importe nga Unioni dhe 231.7 miliardë euro në eksporte.

Sipas vëllimit të eksportit, Britania e Madhe, Kina, Zvicra dhe Rusia radhiten pas SHBA-së, tha Eurostat.

Kina ishte burimi kryesor i importeve të BE-së me 361.3 miliardë euro, e ndjekur nga SHBA-ja, Britania, Rusia dhe Zvicra.

Bilancet e tregtisë nga një vend në vend treguan se BE-ja pësoi deficitin më të madh me Kinën, rreth 163 miliardë euro ndërsa suficitin më të lartë me SHBA-në, 152.6 miliardë euro për të njëjtën periudhë.

Ndërkohë, në të njëjtën periudhë, Eurozona shënoi suficit tregtar prej 225.7 miliardë euro (252.8 miliardë dollarë), prej të cilave 2.34 trilionë euro nga eksporti dhe 2.12 trilionë euro nga importi.

Eurozona ose ZE19 përfaqëson vendet anëtare që përdorin monedhën e vetme euro

Kalendari

Ngjarjet e datës 13 Gusht 2020

- Komandanti i Forcës së Sigurisë së Kosovës, Gjenerallejtënant Rrahman Rama raporton para Komisionit për Çështje të Sigurisë dhe Mbrojtjes. (Ndërtesa e Kuvendit, salla N10, ora 9:00)

- Vazhdimi i seancës plenare të Kuvendit të Republikës së Kosovës. (Salla e Kuvendit, ora 10:00)

- Ministrja e Kulturës, Rinisë dhe Sportit, Vlora Dumoshi, viziton Komunën e Deçanit. (Objekti i Komunës se Deçanit, ora 10:00)

- Ministri i Infrastrukturës, Arban Abrashi, do të nënshkruaj memorandum bashkëpunimi për financimin e projekteve infrastrukturore me kryetarin e komunës së Istogut, Haki Rugova. (Komuna e Istogut, ora 10:00)

- Policia e Kosovës organizon ceremoninë e prerjes së shiritit të objektit të Stacionit Policor për Mbikëqyrje të Kufirit në Radavc ku pjesëmarrës do të jenë Drejtori i Përgjithshëm i PK-së, përfaqësues të ICITAP-it Amerikan dhe personalitete të larta vendore, përfshirë epror të PK-së. (Radavc, rruga Vitomiricë - Kullë, ora 11:00)                                              

- Drejtoria e Shëndetësisë e Komunës së Prizrenit do të bëjë hapjen e pjesës së renovuar të QKMF-së, ku do të punojë ndërrimi i tretë ku i pranishëm do të jetë kryetari i Komunës së Prizrenit, Mytaher Haskuka dhe drejtoresha e DSH-së, Narqize Arënliu Hoxhaj. (QKMF në Prizren, ora 12:00)