Bruksel, 8 shkurt - Zyrtarët e Bashkimit Evropian e kanë ulur në 1.3 për qind parashikimin e tyre për rritjen ekonomike në Eurozonë sivjet, nga 1.9 për qind që kishin parashikuar në vjeshtën e vitit të kaluar.

Komisioni Ekzekutiv i Bashkimit Evropian thotë se parashikimi mund të ulet më tej për shkak të "pasigurisë së madhe" të shkaktuar nga dobësimi i tregtisë globale, mosmarrëveshja tregtare midis Kinës e Shteteve të Bashkuara dhe mundësia e një "Brexit"-i të vështirë.

Rritja në Eurozonë vlerësohet se ka qenë 1.9 për qind vitin e kaluar, nga rritja më e madhe në 10 vjet, prej 2.4 për qind që ishte në vitin 2017.