17 Korrik 2019

Banka Qendrore turke rrit ndjeshëm normën e interesit

Ankara, 14 shtator - Banka Qendrore e Turqisë rriti të enjten normën e interesit në një vlerë të majme, me 6.25 për qind, rritja më e madhe e bërë ndonjëherë gjatë 15 viteve në pushtet të presidentit Tayyip Erdogan.

Kjo me qëllimin për të forcuar lirën turke dhe ndoshta lehtësuar shqetësimet e investitorëve mbi ndikimin e zotit Erdogan në politikën monetare.

Vendimi erdhi megjithëse presidenti Erdogan e përsëriti kundërshtimin e tij ndaj normave të larta të interesiti më herët gjatë ditës së enjte, duke thënë se inflacioni i lartë ishte rezultat i hapave të gabuara të Bankës Qendrore.

Kjo e fundit tha se megjithatë ekziston ende një rrezik potencial lidhur me perspektivën e inflacionit nisur nga ajo që njihet si “përkeqësim në sjelljen e çmimeve” pavarësisht kushteve edhe më të dobëta të kërkesës së brendshme.

"Prandaj, banka vendosi të zbatojë një politikë shtrëngimi të fortë monetar, për të mbështetur stabilitetin e çmimeve" thuhej në deklaratën e saj.

Pak përpara se banka të njoftonte vendimin mbi normat, presidenti Tayyip Erdogan e kritikoi ashpër Bankën Qendrore të Turqisë për marrjen e "hapave të gabuar" lidhur me inflacionin dhe përsëriti kundërshtimin e tij ndaj normave të larta të interesit.

"Nëse thoni se inflacioni është shkaku dhe normat e interesit janë pasoja, nuk e kuptoni këtë punë", tha zoti Erdogan, duke shtuar se ai nuk e kishte parë qoftë dhe një herë bankën, të bënte një parashikim të saktë të inflacionit.

Lira, ra më shumë se 2.5 për qind pas komenteve të presidentit Erdogan, më shumë se 6.5 lira krahasuar me dollarin amerikan.

Zoti Erdogan, i cili e sheh zhvlerësimin e lirës si një luftë ekonomike, tha se monedha po përjeton "paqëndrueshmëri të rreme" dhe se problemet e fundit të Turqisë janë rezultat i manipulimit.

Fitorja në zgjedhjet e qershorit, të cilat i dhanë zotit Erdogan fuqi të reja presidenciale, ushqyen shqetësimet për marrjen nga ana e tij të më shumë përgjegjësive lidhur me ekonominë dhe politikën monetare të vendit.

Në fjalimin e tij të enjten presidenti turk kritikoi gjithashtu bankat private, duke thënë se disa prej tyre kishin rritur normat e interesit deri në 50 për qind, më shumë se dyfishi i normës bazë të Bankës Qendrore prej 17.75 për qind.

Kalendari

Ngjarjet e datës 17 korrik 2019 - Koalicioni i OJQ–ve për Mbrojtjen e Fëmijëve në Kosovë organizon konferencë të jashtëzakonshme për media lidhur me rastin e fundit i vdekjes së fëmijës në rrethana të dyshimta në Fushë Kosovë. (Hotel Sirius, ora 10:00)

- Lansohet Plani i Integritetit të Ministrisë së Mbrojtjes të Republikës së Kosovës. (Ndërtesa e Ministrisë se Mbrojtjes, ora 10:00)

- Me rastin e shënimit të “Epopesë së Korrikut 1998’’ në Rahovec, Komuna e Rahovecit do të bëj homazhe dhe ndërim për të rënet. (Rahovec, ora 10:00)

- Kryetari i Gjykatës Themelore të Gjilanit, Ramiz Azizi do të mbajë konferencë për media. (Objekti i Gjykatës Themelore në Gjilan, Kati i III, Salla 306, ora 10:30)

- Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi mban dëgjim publik lidhur me mbikëqyrjen e zbatimit të Ligjit për Trashëgiminë Kulturore. (Ndërtesa e Kuvendit, salla C 203, ora 11:00)

- Policia e Kosovës do të mbajë një konferencë për media, ku do prezantohet raporti gjashtëmujor  janar-qershor 2019 duke u fokusuar edhe në aktivitetet më të rëndësishme të policisë gjatë kësaj periudhe. (Stacioni policor Qendra në Prishtinë, ora 11:00)

- Kryeministri Ramush Haradinaj pret në takim Azgan Haklaj, president i Unionit Artistik të Kombit Shqiptar. (Ndërtesa e Qeverisë, ora 11:00)

- Ministria e Tregtisë dhe Industrisë organizon panairin “Gratë në Biznes dhe artizanate tradicionale” në të cilin do të marrin pjesë rreth 32 biznese dhe shoqata të grave ndërmarrëse nga komunitete të ndryshme të Kosovës. (Sheshi “Para Teatrit” në Gjilan, ora 11:00)      
 
- Ministria e Infrastrukturës dhe Transportit në bashkëpunim me Policinë e Kosovës lanson fushatën vetëdijësuese “10 Rregullat e Arta të Sigurisë Rrugore. (Pika kufitare e Merdares, ora 11:00)

- Partia Socialdemokrate mban konferencë për media. (Zyrët qendrore të PSD-së në lagjen Arbëria, ora 11:30)

- Komuna e Rahovecit organizon akadmi përkujtimore me rastin e 21 vjetorit shënimit të “17 korrikut - Epopesë së Rahovec’’. (Shtëpia e Kulturës 'Mentor Zyberaj" në Rahovec, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.48. (Hoteli Grand, ora 12:30)

- Mbledhja e komisionit për Shëndetësi, Punë dhe Mirëqenie Sociale në të cilën do të behët shqyrtimi i Projektligjit për Inspektoratin e Punës. (Ndërtesa e Kuvendit, salla N 303, ora 13:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e fshatit Hoçë e Madhe. (Shtëpia e Kulturës në fshatin Hoçë e Madhe, ora 14:00)

- Kryeministri Ramush Haradinaj zhvillonë një vizitë pune në Komunën e Malishevës. (Malishevë, ora 15:00)

- Komuna e Rahovecit organizon dëgjim publik për përgatitjen e buxhetit për vitit 2020 më banorët e lagjeve III- dhe IV të qytetit të Rahovecit. (Shkolla fillore “Isa Boletini” në Rahovec, ora 19:00)