10 Dhjetor 2018

Ambasadat e BE-së me procedura burokratike për dhënien e vizave për bizneset kosovare

Prishtinë, 11 janar - Oda Ekonomike e Kosovës (OEK) ka shpreh shqetësimin e vet për ankesat e komunitetit të biznesit vendor lidhur me procedurat burokratike dhe nënçmuese që po hasim gjatë aplikimit për vizën Shengen.
Kryetari i OEK-ut, Safet Gërxhaliu ka deklaruar se kanë shpresuar se ky vit do te fillojë me një konkretizim te agjendës ekonomike dhe se procesi i integrimit ekonomik do të jetë me i avansuar krahasuar me atë politik.

"Na gëzon fakti qe jemi pjese e partneritetit ekonomik me Bashkimin Evropian përmes Marrevëshjes per Asocim dhe Stabilizim ku parashihet te hapet një perspektive e re per bizneset kosovare qe te depertojne ne tregjet evropiane dhe me gjere, me sherbime apo me mallra", ka thënë Gërxhaliu.

Oda Ekonomike e Kosovës sipas tij ka paralajmeruar se vete nenshkrimi i MSA-se nuk është një shkop magjik per te zgjidhur problemet e grumbulluara nga e kaluara por eshte me shume nje mundesi e cila duhet shfrytezuar.

Mirepo një mundesi e tillë sipas Gërxhaliut nuk mund te shfrytezohet nga komuniteti I biznesit kosovar, nga fakti i mungeses se liberalizimit dhe ne vecanti  procedurave rigoroze qe jane duke i aprovuar ambasadat e huaja ne Kosove e poashtu duke e pamundesuar ne momente te caktuara partneritetin ekonomik ne mes kompanive vendore dhe partnereve evropian.

"Sot, ne qofte se nje biznes kosovar aplikon per vize, ne rend te pare duhet te pres dy, tre apo kater muaj per termin dhe pas caktimit te terminit duhet mbledhur nje mori dokumentesh te cilat e kane koston e vet edhe ne aspektin kohor edhe financiar dhe mbi te gjitha kerkohet te zbulohet edhe fshehtesia me e madhe e gjendjes financiare te kompanise", ka theksuar ai.

Për një aplikim kërkohen deri në tetë metra gjatesi e renditjes se dokumentave dhe ne fund askush nuk garanton se do te pajisesh me vize.

Nese behet nje krahasim me vitet 2012, 2013, 2014 dhe 2015 procedurat sipas OEK kanë qenë shume me te lehta dhe bizneset vendore, ato kane pasur prioritet dhe pervec te tjerash te njejtat jane pajisur me vize dy apo tri vjecare.

"Tani ne vitet 2016-2017, te njejtat kompani ose refuzohen me arsyetime banale ose iu ipet nje vize disa ditore, dhe e tera kjo e ve ne pyetje partneritetin e promovuar ne mes te Kosoves dhe Bashkimit Evropian."

"Me ketë casje te ambasadave evropiane  te akredituara ne Prishtine përballë kërkesave te komiteti te biznesit vendor po e prezentojmë MSA-në si një shtëpi te bukur me nje arkitekture atraktive por pa dere hyrese dhe dalese."

"Në ketë drejtim Oda Ekonomike e Kosoves apelon tek ambasadat evropiane ne Kosove qe te tregojne fleksibilitet, profesionalizem dhe te jene mbeshtetes te zhvillimit ekonomik te Kosoves duke fuqizuar sektorin privat ne partneritet te perhershem me kompanite nga Bashkimi Evropian."

 

Kalendari

Ngjarjet e datës 10 dhjetor 2018 - Ambasador i Shteteve të Bashkuara të Amerikës, Philip S. Kosnett së bashku me ambasadorët e Mbretërisë së Bashkuar, Italisë dhe Francës,  të ngarkuarin me punë të ambasadës gjermane, Kryesuesen e Zyrës së BE-së në Kosovë, si dhe një përfaqësues të organizatës Iniciativa për Progres do të flasin gjatë hapjes së Javës kundër korrupsionit në Kosovë. (Sirius Hotel, ora 9:30)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë aktivitetin “Çohu për të Drejtat e Njeriut” për shënimin e 10  dhjetorit, Ditës Ndërkombëtare për të Drejtat e Njeriut.​  (Teatri Kombëtar të Kosovës, ora 10:30)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilën do të behët shqyrtimi i Projektligjit për Ratifikimin e Marrëveshjes për Protokollin Shtesë 5 të Marrëveshjes për Amendimin dhe Aderimin në Marrëveshjen e Tregtisë së Lirë të Evropës Qendrore si dhe shqyrtimi i vendimit të Qeverisë për emërimin e anëtarëve të Bordit të Agjencisë Kosovare të Privatizimit. (Ndërtesa e Kuvendit, salla N 303, ora 11:00)

- Koalicioni i Organizatave për Mbrojtjen e Fëmijëve organizon konferencën për avancimin e shërbimeve shëndetësore dhe rehabilituese për fëmijë. (Hotel Sirius, ora 10:00)

- Mbahet konferenca e Forumit të Rinisë së LDK-së me temën “Pa-siguria Sociale dhe Ekonomike e të Rinjve në Kosovë”. (Hotel Sirius, ora 10:00)

- Ministria e Drejtësisë, Zyra e Koordinatorit Nacional kundër Dhunës në Familje, organizon konferencën “Qasja në drejtësi e viktimave të dhunës në familje dhe dhunës në baza gjinore”. (Hotel Emerald, ora 10:00)

- Mbahen punimet e Forumit Kosovaro-Maqedonas të Sigurisë 2018, që organizohet nga Fondacioni “Konrad Adenauer Stiftung”, Kolegji AAB dhe Universiteti Kliement Ohridski, Fakulteti i Sigurisë, Shkup. (Kolegji AAB, ora 10:00)

- Klubi Dëshira organizon promovimin e programit të Ndërmarrjes Sociale Dëshira. (Hotel Prishtina, ora 10:00)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Vushtrrisë. (Restaurant Holiday, ora 11:00)

- Muzeu i Kosovës për nder të ditës ndërkombëtare të drejtave të njeriut do të bëjë promovimin e katalogut me imazhe taktile dhe të përkthyer në Brail në bashkëpunim me shoqatat e të verbërve në Kosovë. (Muzeu i Kosovës, ora 11:00)

- Koalicioni i OJQ-ve “Java Kundër Korrupsionit 2018” organizon tryezën e diskutimit me temë “Parandalimi dhe luftimi i konfliktit të interesit në pushtetin gjyqësor”. (Hotel Sirius, ora 11:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të nënshkruajë marrëveshje bashkëpunimi me kryetarin e Komunës së Klinës Zenun Elezaj. (Objekti i Komunës së Klinës, ora 11:30)

- Institucioni i Avokatit të Popullit në bashkëpunim me organizatat joqeveritare dhe shoqërinë civile të Kosovës organizojnë marshin “Çohu për të Drejtat e Njeriut”, i cili fillon nga sheshi “Skënderbeu” deri te sheshi “Zahir Pajaziti”. (Sheshi “Skënderbeu”, ora 12:00)

 - Mbahet mbledhje e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të behët shqyrtimi në parim i Projektligjit për Arsimin e Lartë në Republikën e Kosovës(Ndërtesa e Kuvendit, salla N 303, ora 13:00)

- Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti do të nënshkruajë marrëveshje me kryetarin e Komunës së Junikut Agron Kuçi. (Objekti i Komunës së Junikut, ora 13:30)

- Me rastin e 10 Dhjetorit, Ditës Ndërkombëtare të të Drejtave të Njeriut, Kolegji AAB në bashkëpunim me KMDLNJ organizojn tryezë që i kushtohet Adem Demaçit, fitues i Çmimit Saharov dhe çmimeve të tjera ndërkombëtare për të drejtat e njeriut. (Qendra Mediale e Kolegjit AAB, ora 14:00)

- Qendra Kinematografike e Kosovës në bashkëpunim me Shtëpinë e Kulturës në Bujanoc organizojn Javën e Filmit të Kosovës në Bujanoc. (Shtëpia e Kulturës në Bujanoc, ora 17:00)

- Mbahet ceremonia e dorëzimit të çmimit që shënon Ditën Ndërkombëtare Kundër Korrupsionit për të falenderuar publikisht kontributet e gazetarëve të guximshëm të cilët zbulojnë rastet e korrupsionit dhe për të rritur ndërgjegjësimin përmes tregimeve të tyre. (Grand Hotel, ora 17:30)