12 Nëntor 2018

AKB mbledh bizneset kosovare, spanjolle, amerikane, franceze e italiane

Prishtinë, 7 nëntor - Mbi shtatëdhjetë biznese nga vende të ndryshme si nga Amerika, Franca, Italia, Spanja  e Kosova nga lemenj të ndryshme janë takuar në  kryeqyetetin e Kosovës, organizuar nga Aleanca Kosovare e Bizneseve dhe të cilat kanë arritur marrëveshje bashkëpunimi me bizneset kosovare, gjatë takimit B2B.

Delegacioni i bizneseve po merr pjesë në një takim ekonomik me biznesmenët kosovarë ku janë arritur edhe marrëveshje bashkëpunimi ndërmjet tyre. Qëllimi është të thellojë bashkëpunimin dhe të gjejë mënyra për të rritur investimet në këtë vend.

Kryetari i AKB-së, shtoi se frytet e këtyre bashkëpunimeve ekonomike ndërmjet bizneseve do të shihen në të ardhmen e të cilat do të ndikojnë edhe në forcimin e raporteve politike ndërmjet dy shteteve.

“Kosova ka arritur të tërheqë investitorë nga vende të ndryshme, ku tashmë kemi  një ekonomi më të mirë se më parë. Krahas bizneseve nga vende të shumta, këtu janë edhe investitorët spanjollë, e të cilët për herë të parë janë në vendin tonë që akoma  shteti i këtyre bizneseve nuk e ka njohur, por pritet që pas kësaj vizite këta biznesmen të ndërrojnë edhe mendjen e zyrtarëve spanjoll, në mënyrë që pos thellimit të lidhjeve ekonomike, të thellohen edhe ato politike”, tha Agim Shahini, kryetar i AKB-së.    

Përfaqësuesit e mbi 70 kompanive nga fusha të njëjta pas takimeve kanë arritur bashkëpunime për eksporte e importe dhe do të shikohen edhe mundësit e investimeve të cilat pritet të ndodhin nga viti i ardhshëm.

Delegacioni i bizneseve do të vazhdoi me vizita në biznese të ndryshme të vendit e sidomos në ato prodhuese.

Nga ana tjetër vizita e delegacionit spanjoll ka bërë edhe bujë të madhe në mediat spanjolle, të cilat kanë pasqyruar vizitën e bizneseve spanjolle, mikëpritjen e shkëlqyer dhe imazhin e mirë të Kosovës.   

Kalendari

Ngjarjet e datës 12 nëntor 2018 - Ministri i Punës, Skender Reqica, Ministri i MASHT-it, Shyqiri Bytyçi, Ministri i Shëndetësisë, Uran Ismaili dhe Ministri i Kulturës Rinisë dhe Sportit, Kujtim Gashi raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me zbatimin e Strategjisë Nacionale për të Drejtat e Personave me Aftësi të Kufizuar në Republikën e Kosovës 2013 - 2023. (Ndërtesa e Kuvendit, salla C 203, ora 10:00)

- Qendra e Inovacionit  dhe Oda Ekonomike Amerikane shënojn Javën Globale e Ndërmarrësisë. (Salla plenare e Kuvendit të Kosovës, ora 10:00)

- Kryetari i Kuvendit të Republikës së Kosovës, Kadri Veseli dhe Kryeministri Ramush Haradinaj merr pjesë në hapjen e Javës Globale të Ndërmarrësisë. (Kuvendi i Kosovës, ora 10:00)

- Grupi për Studime Juridike dhe Politike mban konferencën për media në të cilën prezanton një propozim për “Minimumin e një Platforme për Dialogun e Fazës Finale në mes të Kosovës dhe Serbisë” (Grupi për Studime Juridike dhe Politike, përballë Kino ABC, mbi Maxi Market, ora 11:00)

- Qendra e Lëvizjes në Prishtinë mban konferencë për media. (Sheshi "Adem Jashari", ora 12:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit takohet me Kryeministrin, Ramush Haradinaj, Ministrin e Drejtësisë, Abelard Tahiri dhe Ministren e Integrimeve Evropiane znj. Dhurata Hoxha lidhur me bashkërendimin e veprimeve lidhur me pakon legjislative dhe procesin e liberalizimit të vizave. (Ndërtesa e Kuvendit, salla  C-203, ora 13:00 - mediat mund të marrin pamje vetëm në fillim të takimit)

- Komisionin hetimor parlamentar në lidhje me ndriçimin e rastit të dëbimit të gjashtë shtetasve turq interviston ish-Drejtorin e Përgjithshëm të Policisë së Kosovës, Shpend Maxhuni. (Ndërtesa e Kuvendit, salla N 10, ora 13:00)

- Në kuadër të Fushatës “Ta Pastrojmë Kosovën” do të zhvillohet aksion pastrimi në Prishtinë. (Përreth hapësirave të Shkollës “Model”, ora 13:30)

- Ministri i MPMS-së, Skender Reçica, bën lansimin në konsultime publike të Koncept Dokumentit për Rregullimin dhe Menaxhimin e Fushës së Pensioneve dhe Beneficioneve, të hartuara nga MPMS. (Salla e konferencave në MPMS, ora 14:00)

- Kryetari i LDK-së Isa Mustafa, mban mbledhje me kryetarët e degëve të LDK-së. (Hotel Sirius, ora 16:00  - konferencë për medie, 17:30)