19 Prill 2019

VV kërkon nga Shpend Ahmeti përgjigje për tenderin e qumështit

Prishtinë, 18 janar - Sot, Qendra e Lëvizjes VETËVENDOSJE! në Prishtinë mbajti konferencë për media në lidhje me keqpërdorimet në tenderin për qumështin në Komunën e Prishtinës.

Duke kujtuar qeverisjen në Komunën e Prishtinës, deputetja Fitore Pacolli tha se qëllimi i këtij projekti si i shumë projekteve e punëve të tjera ishte edhe luftimi i pabarazisë duke filluar që nga shkollat fillore.

“Kur filloi ky projekt ne kishim 200.000 € në dispozicion dhe kërkuam nga kompanitë që të ofertojnë. Deri në vitin 2018 qumështi në shkollat fillore u pagua me 200 000 €. Por në vitin 2018 ndryshoi gjithçka. Komuna nuk paguan si më parë, pra 200.000 €, por 733.698 €. Si u bë kjo? Si arriti Komuna ta parashikoj, vlerën e tenderit për sasinë dhe cilësinë e njëjtë të qumështit në vitin 2018 që doli 300% më e shtrenjtë sesa atë që kishte parashikuar në vitin 2017? Ku është bazuar zyra e Kryetarit? A ka pasur zyra e Kryetarit ndonjë dokument zyrtar ku sqarohet se për shkaqe të ndryshme çmimi i qumështit në treg  është shumëfishuar? Deri më tani Kryetari i Komunës nuk ka dhënë asnjë sqarim se në çfarë baze ka vendosur vlerën e parashikuar në tender”,  tha ndër të tjera Pacolli.

Pacolli vazhdoi duke ngritur dilema në lidhje me mundësinë që një kompani e huaj të ofertojë më lirë se kompania paraprake vendore.

“Një gjë tjetër që tërheq vëmendjen është se kur Komuna furnizohej me qumësht siç po thonë “nën vlerën e tregut” produktin e ofronte një kompani vendore ndërsa me rritjen e çmimit për 530 000 euro më shumë tani produktin e ofron një kompani e huaj - kompani e regjistruar në Maltë.  Pse kompanive vendore po i faturohen humbjet ndërsa kompanive të huaja po i jepen tenderët që sjellin fitime marramendëse? Si paska mundësi që një kompani e huaj të ketë më shumë llogari të ofertoj çmim më të lirë “733 698” sesa një kompani vendore e cila edhe prodhon qumësht?”, përfundoi Pacolli.

 Valdrin Ahmeti në fjalën e tij tha se hapja e hetimeve nga prokuroria ndaj kryetarit të Komunës së Prishtinës, Shpend Ahmeti, për tenderin për furnizimin me qumësht është edhe një dëshmi që ato që janë thënë edhe në konferencat e reagimet e kaluara edhe argumentimet në kallzimin penal kanë qenë të sakta.

Ahmeti prezantoi para gazetarëve dokumentacionin me të cilin kishte operuar Komuna e Prishtinës kur kishte njoftuar për kontratat, pra kishte hapur mundësinë për ofertim nga kompanitë private dhe kur kishte nënshkruar kontratat.

“VLERA E PARASHIKUAR E TENDERIT, në njoftimin për vitin 2017 është 200 000 €, përderisa për vitin 2018, VLERA E PARASHIKUAR E TENDERIT është 730 000 €. Komuna duhet ta sqarojë pse e rriti parashikimin për 530 000 € kur nuk pati asnjë arsye për ta bërë këtë. Pse Komuna nuk e parashikoi edhe njëherë me 200 000 €. Ndoshta ndonjë operator ekonomik do të ofertonte përsëri me 200 000 €.

Sasia për furnizim edhe në njoftimin për kontratë edhe në kontratën e nënshkruar është i njëjti si për vitin 2017 si për vitin 2018: 3 668 490 copë. Për vitin 2017 sikurse që planifikuar Komuna, pra saktësisht sa vlera e parashikuar e tenderit, pra 200 000 € nënshkruhet kontrata me Devolli sh.p.k. Ndërsa për vitin 2018 nënshkruhet kontrata me vlerë 733 698 € me Abrazen L.L.C. e cila është kompani e regjistruar me kapital nga Malta, që njihet si një nga parajsat për shpërlarje parash. DALLIMI ËSHTË 533 698 €!” tha ndër të tjera Ahmeti.

 Ahmeti po ashtu tha se keqpërdorimet në tenderin për qumështin e fëmijëve, na i kujtojnë ata që keqpërdorën në emër të dëshmorëve në tenderët për varrezat e dëshmorëve.

“Është për të ardhur keq që gjithë këtë kohë, në vend të përgjigjjes për këto 530 000 €,  Shpend Ahmeti vetëm është munduar ta relativizojë përgjegjësinë. Por, pasi Shpend Ahmeti nuk po përgjigjet para qytetarëve të Prishtinës, tani shpresojmë se do të jep përgjigjje para prokurorit se ku janë këto të holla!”, përfundoi Ahmeti.
 

Kalendari

Ngjarjet e datës 19 prill 2019

- Klinika e Kirurgjisë së Fëmijëve në Qendren Klinike Universitare i fillon punimet Simpoziumi mbarëshqiptarë i kirurgëve të fëmijëve. (Hotel Internacional Prishtina, ora 8:40)

- Kryeparlamentari Kadri Veseli merr pjesë në festivalin olimpik për fëmijët parafillor. ))(Stadiumi “Fadil Vokrri”, Prishtinë, ora 9:30)

- Programi i Kombeve të Bashkuara për Zhvillim në bashkëpunim me Agjencinë për Menaxhimin e Emergjencave dhe partneri implementues, Kryqi i Kuq i Kosovës, do të organizojnë një ushtrim fushor në fshatin Maxhunaj në komunën e Vushtrrisë. (Fshati Maxhunaj, ora 10:00)

- Shtëpia Botuese “Faik Konica” organizon promovimin e librit të Dr. Islam Lauka, “Kosova e kërcënuar nga gjarpri i shtëpisë”. (Bibliotekën Kombëtare, ora 11:00)

- Ministri i Kulturës, Rinisë dhe Sportit, Kujtim Gashi, bashkë me kryetarin e Kuvendit të Kosovës, Kadri Veseli, do të bëjnë shpërndarjen e kontratave për 21 përfituesit e granteve nga Fondi Rinor që për qëllim kanë rritjen e punësimit për të rinjtë e vendit tonë përmes zhvillimit të ndërmarrësisë. (Hotel Sirius, ora 11:00)

- Kryeparlamentari Kadri Veseli merr pjesë në ceremoninë e nënshkrimit të projekteve për ndërmarrësit e rinj. (Hotel Sirius, ora 11:00)

- Kryeministri Ramush Haradinaj merr pjesë Akademinë Përkujtimore me rastin e Ditës së Veteranëve të Koshares dhe rënies së Heroit të Kosovës, Sali Çekaj, në kuadër të Manifestimit Tradicional "Ditët e Shqipes 2019", që organizohet nën patronatin e kryeministrit. (Teatri Kombëtar, ora 12:00)

- Zëvendëskryeministri i Republikës se Kosovës, Enver Hoxhaj mban konferencë të përbashkët për media me Ministrin e Drejtësisë, Abelard Tahiri. (Ndërtesa e Qeverisë, salla P32, ora 13:00)

- Koordinatori Nacional për Kulturë, Rini dhe Sport, Rexhep Hoti së bashku me Kryetarin e Komunës së Gjilanit, Lutfi Haziri, do të përcjellin garën komunale në Kreativitet Kulturor dhe Mendim Kritik. (Objekti i Gjimnazit Natyror "Xhavit Ahmeti" në Gjilan, ora 13:30)

- Drejtoresha e misionit të USAID-it Lisa Magno do të flasë me rastin e lançimit të faqes së re të internetit të Këshillit Gjyqësor të Kosovës. (Sheshi 21, ora 15:00)

- Federata e Atletike të Kosovës do të mbaj konferencë për media në të cilën do të jepen informatat kryesore rreth organizimit të gjysmë maratonës së këtij viti. (Salla e shtëpisë së sporteve në Prishtinë, ora 15:00)

- Kryeministri Ramush Haradinaj merr pjesë në Akademinë Përkujtimore me rastin e 20 vjetorit të themelimit të Batalionit “Atlantiku”, që organizohet nën patronatin e kryeministrit. (Salla e Kuqe, Pallati i Rinisë, ora 16:00)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Drenas. (Shtëpia e Kulturës në Drenas, ora 16:30)

- Galeria e Qytetit të Gjilanit hap ekspozitën e veçantë të fotografive “Arti i Rrudhave”, të autorit Muhamed Sadriu, e cila do të shpalos fotorgafitë e 21 personave të cilët i kanë mbi 100 vjet, e që e simbolizon shekullin XXI. (Galeria e Qytetit të Gjilanit, ora 17:30)

- Në kuadër të tubimeve Kundër PANhajnisë dhe për zgjedhje të reja Lëvizja Vetëvendosje  mban tubim në Prizren. (Shtëpia e Kulturës "Xhemajli Berisha" në Prizren, ora 19:00)

- Galeria Kombëtare e Kosovës hap ekspoziten "Grouping - Moving - Spreading" Metaxym e cila është kuruar dhe organizuar nga The Activists dhe World Anonimous Society. (Galeria Kombëtare e Kosovës, ora 20:00)

- Lumbardhi do të prezantojë paraqitjen e parë të këngëtares dhe kompozitores amerikane Chrysta Bell në Kosovë në kuadër të turneut Feels Like Love 2019 dhe epizodit të dytë të Lumbardhi n’Behar. (Lumbardhi në Prizre, ora 21:00)

- Komisioni Qendror i Zgjedhjeve mbanë mbledhjen e radhës. (selia e KQZ-së, ora 11:30) 

- Kryetari Shpend Ahmeti dhe Drilon Pireva, Udheheqës i projektit për investimet në hyrjet e banesave, do të mbajnë konferencë për shtyp. (lagja Dardania, rr. Kadri Zeka, Blloku 7/1, hyrja A te Bast Trade, ora 17:00)