17 Janar 2019

Vlera e dëmeve të shkaktuara nga breshri arrin vlerën prej 1.2 milion euro

Prishtinë, 10 korrik - Ministri i Bujqësisë, Pylltarisë dhe Zhvillimit Rural, Nenad Rikalo ka raportuar sot para Komisionit Parlamentar për Bujqësi, Pylltari, Zhvillim Rural, Mjedis e Planifikim Hapësinor.

Ministri gjatë këtij raportimi ka folur për zhvillimet e fundit në sektorin e bujqësisë, e po ashtu edhe për dëmet e shkaktuara nga reshjet e shiut dhe breshërit në kulturat bujqësore.

Ai ka treguar se në bazë të vlerësimeve të para, vlera e dëmeve të shkaktuara nga reshjet e shiut dhe breshërit në Kosovë arrin vlerën prej 1 milion e 200 mijë euro.

Me këtë rast, ai ka njoftuar se kjo vlerë mund të rritet  me hartimin e raportit përfundimtar të këtyre dëmeve, i cili pritet të bëhet në ditët e ardhshme.

Ministri ka theksuar se mungesa e sistemit raketor kundër breshërit, sigurimeve bujqësore dhe fondit për kompensimin e dëmeve, vazhdojnë të jenë problem kryesor për Ministrinë e Bujqësisë.

“Fondi për kompensimin e dëmeve do të ishte një fond shumë i dëshirueshëm, mirëpo prej vitit 2009 Ministria i ka dorëzuar kërkesën Ministrisë së Financave për këtë por nuk është përgjigjur kurrë pozitivisht në kërkesën tonë. Edhe pse vitet e kaluara kemi paguar disa dëme, asnjëherë nuk kemi pasur një fond specifik në buxhet i cili dot ë ndikonte drejtpërdrejtë në kompensimin e dëmeve të tilla. Normalisht që nuk e kemi as këtë vit, por varësisht kur ta bëjmë rishikimin e buxhetit do të shohim se çka po mbesin mjete dhe të shohim a do të kemi sukses t’i kompensojmë 20 deri 25 për qind të dëmeve të shkaktuara në bujqësi”, ka thënë ministri Rikalo.

Ai ka shtuar se me Bankën Botërore tashmë një vit po punojnë në një projekt për ta futur në bujqësi çështjen e sigurimit dhe kanë ardhur deri te faza kur po përgatitet baza ligjore për këtë.

Ndërsa, për sistemin për mbrojtjen kundër breshërit, Rikalo theksoi se janë duke punuar me një organizatë zvicerane dhe atë model po përpiqen ta vendosin edhe këtu.

Por ky problem, sipas tij, nuk është vetëm i MBPZHR-së, por është çështje edhe e sigurisë, KFOR-it, kontrollit ajror, që do të thotë se nuk varet vetëm nga ta.

Po ashtu, ministri Rikalo iu është përgjigjur edhe pyetjeve të anëtarëve të Komisionit Parlamentar për Bujqësi, Pylltari dhe  Zhvillim Rural për zhvillimet e fundit në këtë sektor, si dhe është shprehur i gatshëm që të raportojë sa herë që do të ketë ftesë për të raportuar në komision.

 “Jam i gatshëm që sa herë të më kërkohet të raportojë në Komision dhe ajo që e kam bërë së pari si ministër, kam thënë do të jem shumë transparent dhe do të luftojë korrupsionin dhe do të jap maksimumin nga vetja. Jam i gatshëm të përgjigjem në krejt këto”, tha Rikalo.     

Me këtë rast, ministri ka treguar se edhe procesin e programeve zhvillimore të ministrisë dhe sipas tij ndarja e granteve dhe subvencioneve do të jetë shumë transparente dhe se të gjithë ata fermer që do t’i plotësojnë kriteret e parapara në Programin për Bujqësi dhe Zhvillim Rural dhe Programin e Pagesave Direkte do të jenë përfitues të granteve dhe subvencioneve të MBPZHR-së. 

Kalendari

Ngjarjet e datës 17 janar 2019 - Kryeministri Ramush Haradinaj bën homazhe te Shtatorja e Gjergj Kastriotit Skënderbeut, me rastin e 550 vjetorit të vdekjes. (Shtatorja e heroit Gjergj Kastrioti Skënderbeu, Prishtinë, ora 9:00)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e komunës së Malishevës. (Gjimnazi “Hamdi Berisha” në Malishevë, ora 9:15)

- Ministri i Financave Bedri Hamza dhe udhëheqësi i Divizionit për Slloveninë, Kroacinë, dhe Ballkanin Perëndimor në Bankën Evropiane për Investime Matteo Rivellini nënshkruaj Marrëveshje Grant për Mbështetje të Projektit për Ndërtimin e Autostradës Kijevë-Zahaq. (Ndërtesa e  Qeverisë, kati 11, ora 9:30)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët në çerdhen e komunës së Malishevës. (Objekti i çerdhes në Malishevë, ora 9:45)
 
- Kryeministri Ramush Haradinaj zhvillon takim pune me përfaqësuesit e Odës Ekonomike Gjermane. (Hotel Emerald, ora 10:00)

- Misioni i OSBE-së do të publikojë raportin mbi gjendjen e strehimoreve për viktimat e dhunës në familje në Kosovë. (Hotel Swiss Diamond, ora 10:15)

- Kryetari i Sindikates së Bashkuar të Arsimit, Shkencës, Rrahman Jasharaj do t'i vizatoj grevistët e shkollës fillore “Ganimete Tërbeshi” në Astrazub të komunës së Malishevës. (Astrazub, ora 10:40)

- Administrata Tatimore e Kosovës nesër do të shënoj 19 vjetorit të themelimit të saj. (Qendra e Shërbimit të Tatimpaguesve, ish-ndërtesa e Gërmisë, ora 11:00)

- Mbahet takimi i përbashkët në mes kryetarit të Komunës së Gjilanit Lutfi Haziri dhe Kryeshefit Ekzekutiv të KRU"Hidromorava" Muhamet Suliqi, du do të zyrtarizohet Njësitit për Implementimin e Projektit - Impiantit dhe Kolektorëve  për ujëra të zeza. (Zyra e Kryetarit Haziri, ora 11:00)
 
- Kryeministri Ramush Haradinaj merr pjesë në shënimin e 19-vjetorit të themelimit të Administratës Tatimore të Kosovës. (Qendra e Shërbimit të Tatimpaguese, ish ndërtesa e Gërmisë, ora 11:00)

- Ministri i Kulturës, Rinisë dhe Sportit, Kujtim Gashi, do të bëjë hapjen zyrtare të Zyrës për programin “Evropa Kreative Kosovë”. (Biblioteka Kombëtare të Kosovës “Pjetër Bogdani”, ora 11:00)

- Nën organizimin e Grupit Parlamentar të LDK-së dhe Kryetarit të Komunës së Pejës Gazmend Muhaxherit në 17 vjetorin e vrasjes, organizohen homazhe në nderim të jetës dhe veprës së ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Tek varrezat e fshatit Zahaq të Pejës, ora 12:00)

- Në 37 vjetorin vrasjes së heronjve të kombit Jusuf e Bardhosh Gërvalla, Grupi Parlamentar i LDK-së, në nderim të jetës dhe veprës së tyre do të vendos kurora lulesh tek varrezat e heronjve. (Fshati Dubovik në Deçan, ora 12:30) 

- Kryeministri Ramush Haradinaj pret në takim Komisionerin Evropian për Politika të Fqinjësisë dhe Negociata të Zgjerimit, Johannes Hahn. (Ndërtesa e Qeverisë, ora 16:45 - vetëm pamje)
 
- Kryeministri Ramush Haradinaj merr pjesë në ceremoninë e organizuar me rastin e përmbylljes së aktiviteteve në 550 vjetorin e Vitit Mbarëkombëtar të Skënderbeut. (Sheshi 21, ora 18:00)

- Dega e LDK-së në Pejë do të bëjë ndezjen e qirinjve në vendin e vrasjes te ish-deputetit të Republikës së Kosovës, Komandantit të Shtabit Rajonal Rugova, Heroit Smajl Hajdaraj. (Lagja “Fidanishte” në Pej, ora 19:50)