01 Dhjetor 2020

Vazhdon mbështetja e donatorëve për sektorin e hortikulturës

Prishtinë, 23 shkurt - Në hapësirën e hotelit “Victory” në Prishtinë, sot u bë hapja solemne e komponentës së re të programit “Promovimi i Hortikulturës në Kosovë”.

Kjo komponentë do të implementohet nga Instituti RIINVEST, mirëpo përbrenda programit të njëjtë, Intercooperation do të vazhdoj ende me implementimin e një game të gjerë të intervenimeve nga komponenta e vjetër.

Me kombinimin e qasjeve të ndryshme dhe me shfrytëzimin e sinergjive që shfaqen nga implementimi i dy komponentëve, pritet të arrihet një ndikim edhe më i lartë i projektit në vitet në vijim.

I pranishëm në këtë eveniment ishte edhe ministri i MBPZHR-së, Blerand Stavileci, i cili tha se zhvillimi i sektorit të hortikulturës është jetik për zhvillimin e bujqësisë, sepse zhvillimi i tij do të gjeneronte punësim dhe të ardhura të qëndrueshme për të gjithë prodhuesit kosovar, duke shtuar më tej se rritja e aftësisë konkurruese, përmirësimi dhe modernizimi i marketingut janë çelës që hapin portën kryesore për zhvillimin e mëtejshëm të prodhimitarisë së hortikulturës.

“Për ngritjen e kapaciteteve të prodhuesve tanë, përkrahje me theks të veçantë për sektorin e hortikulturës ka dhënë edhe Ministria e Bujqësisë, e cila këtyre viteve të fundit nëpërmjet granteve investive ka mbështetur vazhdimisht prodhuesit në ngritjen e serrave, pemishteve dhe vreshtave të reja.\"

Gjatë vitit që lëmë pas MPBZHR ka mbështetur në shkallën prej 50% ngritjen e rreth 110 serrave moderne dhe rreth 330 fermerë për ngritjen e pemishteve dhe vreshtave të reja. Totali i mjeteve për mbështetjen e këtij sektori tejkalon shumën prej 1.1 milionë euro dhe me ndihmën e organizatave të ndryshme është mbështetur edhe në forma të tjera, vlen të theksohen projektet e USAID-it, projekti i Komisionit Evropian në vlerë prej 5 milionë euro për komponentën e përmirësimit të përpunimit, tregtimit dhe marketingut të produkteve bujqësore dhe të tjera”.


\"Intensifikimi i aktiviteteve që kanë mision mbrojtjen, nxitjen dhe promovimin e veprimtarive bujqësore, shembull i së cilës është edhe projekti për “Promovimin e Hortikulturës në Kosovë”, janë shumë të rëndësishme për jetën ekonomike të vendit tonë\", tha ministri Stavileci.

Ai shtoi më tej se objektivat e Ministrisë së Bujqësisë janë shumë vështirë të arrihen pa kontributin e çmuar të donatorëve dhe organizatave qeveritare e joqeveritare të vendeve mike, sepse mundësitë e institucioneve të vendit qëndrojnë në ndërvarshmëri të madhe me kufizimet buxhetore, si rrjedhojë edhe aktivitetet mbështetëse dhe stimuluese për fermerë janë të limituara, por besojmë se me programin e ri qeveritar, edhe në këtë drejtim do të ketë përmirësime të dukshme.

Programi “Promovimi i Hortikulturës në Kosovë”, mbështetet nga Agjencia Zvicerane për Zhvillim dhe Bashkëpunim dhe nga Ministria e Punëve të Jashtme të Danimarkës. Ky program ka filluar në vitin 2008 dhe deri më tani është implementuar vetëm nga organizata Intercooperation.

Nëpërmjet fondit konkurrues për hortikulturë, në skemën e granteve të programit “Promovimi i Hortikulturës në Kosovë” janë ndarë rreth 620.000 euro për persona dhe kompani kosovare gjatë vitit 2009-2010, me ç’rast janë krijuar rreth 200 vende pune në sektorin e hortikulturës.

Mbështetja e përgjithshme e Qeverisë së Zvicrës dhe Danimarkës për këtë sektor, deri në fund të vitit 2010 ka arritur në mbi 10 milionë euro.




 

Kalendari

Ngjarjet e datës 1 Dhjetor 2020 - Komisioni Hetimor Parlamentar lidhur me procesin e privatizimit në Kosovë në të cilën do të behët plotësimi i listës së dëshmitarëve. (Ndërtesa e Kuvendit, salla N10, ora 9:00)

- Drejtorit të AKI-së raporton para Komisionit për Mbikëqyrjen e Agjencisë së Kosovës për Inteligjencë lidhur me gjendjen e sigurisë në vend. (Ndërtesa e Kuvendit, salla N204, ora 9:30)

- Campus France, Ambasada Frnceze në Kosovë, Aleanca Franceze e Prishtinës dhe Universiteti i Prishtinës organizojnë Panairin e tretë Universitar Francez në Kosovë. (online -https://tourneebalkanskosovo.com, ora 10:00)

- Mbahet edicioni i 5-të virtual i Green Business Expo. (Businessexpo.greenkosovo.com, ora 10:30)

- Ministri i Shëndetësisë Armend Zemaj raporton para Komisionit për Mbikëqyrjen e Financave Publike lidhur me raportin e auditimit për Pasqyrat Vjetore Financiare të vitit 2019, për Ministrinë e Shëndetësisë. (Ndërtesa e Kuvendit, salla N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike diskuton lidhur me rekomandimet e dala nga “Raporti për vendin për vitin 2020, i Komisionit Evropian” me të ftuar ministrat dhe përfaqësuesit e agjencive të pavarura. (Ndërtesa e Kuvendit, salla N506, ora 11:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave Muhamet Malësiu dhe drejtorin e Autoritetit të Rajonit të Pellgjeve Lumore, nga Ministria e Ekonomisë dhe Ambientit, Gani Berisha lidhur me lejet e lëshuara për operimin e dy hidrocentraleve nga kompania “Kelkos Energy”. (Ndërtesa e Kuvendit, salla N225, ora 11:00)

- Nënkryetari i Partisë Demokratike të Kosovës, njëkohësisht, kryetari i Degës së PDK-së në Prizren, Shaqir Totaj, i shoqëruar nga deputetja Eliza Hoxha, mbajnë konferencë për media në të cilën do të flasin për shtatoren e re të Skënderbeut, punën e dobët artistike dhe lokacionin jo adekuat. (Zyret e PDK-së në Prizren, ora 11:00)  

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston kryetarin e Komunës së Deçanit, Bashkim Ramosaj. (Ndërtesa e Kuvendit, salla N225, ora 13:00)

- Partia Demokratike e Kosovës, Dega në Prishtinë, do të mbajë konferencë për medie. (Te stacioni i autobusëve urbanë “Katedralja”, ora 13:00)

- Zyrtarët e Agjencisë së Ushqimit dhe Veterinarisë raportojn para Komisionit për Bujqësi, Pylltari, zhvillim Rural, Infrastrukturë dhe Mjedis rreth importimit të vajit të palmës. (Ndërtesa e Kuvendit, salla N204, ora 13:00)

- Instituti Demokraci për Zhvillim (D4D) mban diskutimin “Rimëkëmbja nga viti 2020: Si të rindërtojmë ekonominë dhe politikat sociale në vitin 2021?”. (Hotel Sirius, ora 17:00)