19 Tetor 2018

Vazhdon dezinsektimi i zonave endemike në Komunën e Malishevës

Prishtinë, 10 maj - Ministria e Bujqësisë, Pylltarisë dhe Zhvillimit Rural është duke e financuar projektin “Dezinsektimi i hapësirave të ekspozuara për ethe hemoragjike Krime-Kongo në fshatrat e Komunës së Malishevës”, i cili projekt ka për qëllim luftimin e shkaktarit të sëmundjes Krime-Kongo të shkaktuara nga rriqrat kryesisht në Komunën e Malishevës.

Për implementimin e këtij projekti MBPZHR-ja ka siguruar shumën prej 819 mijë eurove për periudhën e cila do të zgjasë 36 muaj dhe do të realizohet nga kompania N.Sh.H. “Zona Park”, e përzgjedhur përmes Divizionit të Prokurimit në MBPZHR, si dhe Organit Shqyrtues të Prokurimit Publik.

Këtyre ditëve disa media raportuan njëanshëm lidhur me projektin e sipërpërmendur, gjë që ka shkaktuar shqetësim tek banorët e Komunës së Malishevës.

Me këtë rast Ministria e Bujqësisë, Pylltarisë dhe Zhvillimit Rural njofton të gjithë banorët e këtyre zonave ku po realizohet dezinsektimi dhe të gjithë qytetarët se projekti është duke u implementuar me përpikmëri në bazë të termave të parashtruara të referencave, si dhe preparati i cili po përdoret për trajtimin e rriqrave, me emrin tregtar “ZinonEW” është preparat i licencuar sipas legjislacionit të Republikës së Kosovës me vendim të Ministrisë së Mjedisit dhe Planifikimit Hapësinor, me standarde ISO, dhe se pajisjet me të cilat po kryhet dezinsektimi i përkasin teknologjisë së fundit.

Gjithashtu, për çdo aktivitet që nga fillimi i këtij projekti, kanë qenë të njoftuar zyrtarët kryesorë komunal të Komunës së Malishevës, ndërsa MBPZHR-ja asnjëherë nuk ka pranuar asnjë lloj ankese nga ta, përkundër hierarkisë së paracaktuar.

Për mbikëqyrjen, monitorimin në implementimin e këtij projekti janë të caktuar persona kompetent, Dr. Lebibe Hashani - epidemiologe, nga MBPZHR-ja në cilësinë e Menaxherit të Kontratës, nga Sekretari i Përgjithshëm i MPBZHR-së është caktuar z. Arsim Memaj, si dhe stafin teknik i cili përbëhet prej 28 personave.

Ministria e Bujqësisë, Pylltarisë dhe Zhvillimit Rural edhe njëherë sqaron opinionin publik se të gjitha këto deklarata janë shpifje politike për konsum ditor dhe MBPZHR është duke konsideruar ngritje të padisë për të gjithë akterët të cilët hartuan këto deklarata të pabaza të cilat kanë mundur të shkaktojnë frikë dhe panikë tek qytetarët e këtyre zonave.

Kalendari

Ngjarjet e datës 20 tetor 2018

- Oda e Fizioterapeutëve të Kosovë organizon ditë e dytë të Kongresit e I-rë Ndërkombëtar të  Fizioterapisë në Kosovë. (Hotel Emerald, ora 10:00)

- Aleanca Franceze e Prishtinës mirëpret një ekspozitë me titull "Studio Alix: një shekull fotografi të Pireneve", e propozuar nga shoqata franceze "Écrits de lumière". (Aleanca Franceze në Prishtinë, rruga Lah Nimani, ora 11:00)

- Zëvendëskryeministri i Kosovës, Fatmir Limaj, merr pjesë në vënien e gurthemelit të Qendrës së Banimit Social në Malishevë. (Lagjja Mirëdita në Malishevë, ora 14:00)

- Kryetari i Nismës Socialdemokrate, Fatmir Limaj, mban nesër (e shtune) takim me strukturat drejtuese të degëve të Nismës në Malishevë, Suharekë dhe Rahovec. (Restaurant Bimi 3 në Malishevë, ora 15:00)

- Kuratori i ekspozitës, fotografi francez Loïc Chauvin, specialist i fotografisë shqiptare, do të organizojë një masterclass rreth historisë së fotografisë shqiptare për studentët dhe fotografët. (Kino Armata, ora 16:00)

- Në edicionin e Festivalit Ballkanik të pjekjes dhe promovimit të rakisë, 'Rakia Fest', mbahet tribunë shkencore 'Rakia si mundësi e rritjes se mireqenjes se ekonomive familjare në viset e pasura me pemë. Investimet në funksion të joshjes së popu tës rurale për prodhimin artizanal të rakisë'. (Etnokompleksit të fshatit Kukaj, ora 12:00)