03 Tetor 2022

Vazhdojnë trajnimet mbi sëmundjen e derrave dhe biosigurinë e fermave

Romë, 6 tetor - FAO ka përfunduar një numër trajnimesh në pjesë të ndryshme në Kosovë për zbulimin dhe parandalimin e Mortajës afrikane të derrave (MAD) në fermat e derrave.  

Sëmundja u zbulua për herë të parë në vitin 2019 në Serbi, pas shpërdarjes së saj në Ballkanin Perëndimor. Meqenëse sëmundja është ende e pranishme në vend, rreziku që ajo të hyjë në vendet dhe zonat fqinje, përfshirë Kosovën, mbetet një kërcënim i vazhdueshëm.

Në përgjithësi, u mbajtën katër trajnime në zona të ndryshme me pjesëmarrjen e 47 pronarëve të derrave dhe 12 veterinerëve privatë. Materialet e trajnimit janë zhvilluar nga ekspertë të FAO-s dhe janë përshtatur me rrethanat vendore dhe janë përcjellur tek pjesëmarrësit nga Jeton Muhaxhiri, ekspert lokal i FAO-s në këtë fushë.

Trajnimi një ditor përbëhej nga dy pjesë. Në mëngjes, u bënë prezantime mbi ndikimin e Mortajës afrikane të derrave, si përhapet sëmundja dhe mënyrat e zbulimit të saj. Pasditja iu kushtua biosigurisë në fermat e derrave dhe diskutimit të qasjeve specifike për parandalimin e Mortajës afrikave të derrave.

"Përfshirja e pronarëve të derrave dhe veterinerëve privatë është një aspekt i rëndësishëm i gatishmërisë ndaj Mortajës afrikane të derrave," tha Jeton Muhaxhiri. "Rritja e derrave kryhet vetëm në zona të caktuara dhe është jetike që t'i drejtohemi këtyre komuniteteve për të rritur ndërgjegjësimin e tyre dhe për të dhënë këshilla se si mund t’a mbrojnë veten."

Në vitin 2019, FAO kreu një mision vlerësues për të përcaktuar kornizën e aktiviteteve të saj për sëmundjen e derrave në Kosovë.

Në të njëjtin vit, për të rritur kapacitetin laboratorik, FAO organizoi një vizitë studimore të dy diagnostikuesve laboratorikë nga Laboratori i Referencës Kombëtare në Qendrën Burimore të FAO -s për ethet afrikane të derrave në Madrid, Spanjë, e vendosur në Qendrën për Kërkimin e Shëndetit të Kafshëve.

Më vonë në vitin 2019, u mbajt një punëtori për gjuetarët për të rritur ndërgjegjësimin mbi rëndësinë e sëmundjet tek derrat e egër. Vitin tjetër, një ushtrim simulimi u organizua në bashkëpunim me Agjencinë e Ushqimit dhe Veterinarisë.

Në vitin 2021, FAO mbështeti vlerësimin e kapaciteteve për zbulimin e Mortajës afrikane të derrave, përfshirë financimin e dërgesave të paneleve nga Qendra Burimore e FAO-s për Mortajën  afrikane të derrave në Laboratorin Kombëtar të Referencës.

Së fundi, gjatë verës së vitit 2021, në një aktivitet të mbështetur nga Ministria e Bujqësisë, Pylltarisë dhe Zhvillimit Rural pas përhapjes së Mortajës afrikave në derrat e egër në Serbi, menaxherët e vendgjuetive u trajnuan mbi këtë sëmundje dhe  biosigurinë e gjuetisë.

"Në dy vitet e fundit ne u përqëndruam në të gjitha aspektet e gatishmërisë ndaj Mortajës afrikane të derrave dhe arritëm të përfshijmë të gjithë akterët kryesorë," tha Daniel Beltran-Alcrudo, këshilltar teknik për shëndetin e kafshëve.

"Ne besojmë se kemi hedhur themelet për të luftuar Mortajën afrikane të derrave dhe shpresojmë që trajnimet dhe materialet për ngritjen e vetëdijes do të ndihmojnë Kosovën edhe pas mbylljes së projektit të FAO-s."

 

Kalendari

Ngjarjet e datës 3 tetor 2022  - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit interviston kandidatët për anëtarë të Këshillit Gjyqësor të Kosovës. (Ndërtesa e Kuvendit, salla N302, ora 9:00)

-  Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione diskuton lidhur me procesin e nxjerrjes së akteve nënligjore, bazuar në Ligjin për Mbrojtjen e Fëmijës me të ftuar, Habit Hajredini - Drejtori i Zyrës për Qeverisje të Mirë, Ahmet Kryeziu - Drejtor i Sawe the Children për Kosovë, dhe Naser Lajqi – përfaqësues i OJQ “Syri i Vizionit”. (Ndërtesa e Kuvendit, salla N303, ora 10:00)
 
- Avokati i Popullit organizon dëgjim publik lidhur me hetimin e përgjithshëm për shëndetin riprodhues. (Salla e Kuvendit Komunal në Gjakovë, ora 10:00)

- Mbahet mbledhja e kryesisë së Kuvendit të Republikës së Kosovës. (Ndërtesa e Kuvendit, salla C301, ora 10:00)

- Kuvendi i Republikës së Kosovës vazhdon seancën plenare. (Ndërtesa e Kuvendit, ora 11:00)

- Kryetari i Komunës së Prishtinës, Perparim Rama përuron hapjen e Sahat Kullës e cila edhe do t'i ndez dritat e Sahat Kullës, duke ndriçuar kështu këtë monument magjepsës të trashëgimisë kulturore në Prishtinë. (Prishtinë, ora 19:00)