05 Korrik 2020

Vazhdojnë punimet për rregullimin e shtratit të lumit “Ibër” dhe “Sitnica”

Mitrovicë, 26 nëntor - Drejtori për Shërbime Publike dhe Infrastrukturë, Naser Muja, ka dalur për të parë për së afërmi punimet të cilat janë duke u zhvilluar për rregullimin e shtratit të lumit “Ibër” dhe “Sitnica”.

Drejtori Muja, gjatë inspektimit është shprehur mjaft i kënaqur me dinamikën e punimeve të cilat janë duke u bërë për rregullimin e shtratit të lumenjve “Ibër” dhe ”Sitnica”, ku përveç rregullimit të shtretërve, këto projekte parashihen të kenë shtegun për këmbësor, hapësira gjelbërimi, ndriçim publik, mure mbrojtëse, ura kaluese apo pragu kapërderdhës, i cili do të shërbej si pushimore, dhe do të bëhen vende shumë atraktive për qytetarët e Mitrovicës.

Po ashtu, drejtori Muja, theksoi se rregullimi i këtyre shtretërve të lumenjve përveç aspektit rekreativ, ka rëndësi të madhe edhe në parandalimin e vërshimeve, që zakonisht kanë shkaktuar këta lumenj.

Vlen të theksohet se, këto projekte realizohen si bashkëfinancim mes komunës së Mitrovicës, dhe Ministrisë së Mjedisit dhe Planifikimit Hapësinor, me ç’rast të dy projektet parashihet të kushtojnë rreth 8 milionë euro.
 

Kalendari

Ngjarjet e datës 5 Korrik 2020

- Ministrja e Kulturës, Rinisë dhe Sportit, Vlora Dumoshi Inspekton investimet në fushën e futbollit në fshatin Novosellë të Pejës. (Fshati Novosellë, ora 13:00)

- Kryeministri Avdullah Hoti pret në takim drejtuesit e institucioneve shëndetësore. (Ndërtesa e Qeverisë, ora 13:00)

- Ministrja e Kulturës, Rinisë dhe Sportit, Vlora Dumoshi viziton shpellën “Bukuroshja e Fjetun”, promovim i turizmit kulturor. (Pejë, ora 13:30)

 - Ministrja e Kulturës, Rinisë dhe Sportit, Vlora Dumoshi viziton Garën ndërkombëtare e automobilizimit “Kulla 2020”. (Pejë, ora 15:30)