19 Shkurt 2018

Vazhdojnë mbjelljet vjeshtore në Komunën e Klinës

Klinë, 27 tetor - Komuna e Klinës ka bërë të ditur se mbjelljet vjeshtore në rajonin e Klinës janë në fazën përfundimtare. Ka pasur ndërprerje për shkak të kushteve atmosferike por pas përmirësimit të motit, mbjelljet po vazhdojnë me intensitet të shtuar.

 Zyrtarë të Drejtorisë së Bujqësisë, tregojnë se afati optimal për mbjelljet vjeshtore është deri në fund të këtij muaji- tetor derisa mund të vazhdohet edhe në muajin nëntor por preferohet të shtohet sasia e farës.

Sivjet është planifikuar të mbillen gjithsej 5240 hektarë me kulturë vjeshtore, prej tyre 4655 me grurë, 70 elb, 185 thekër dhe 330 hektarë me bimë foragjerë.

Zyrtarë të Drejtorisë së Bujqësisë, kanë mbajtur edhe këshillime për fermerë për mbjellje vjeshtore, blegtori, higjienë të fermave dhe pemëtari. 

Kalendari

Ngjarjet e datës 19 Shkurt 2018  - Pjesëmarrësit e konferencës Ndërkombëtare e Pan Europa-Kosova zhvillojnë një vizitë në Katedralën e re “Nëna Terezë”. (Objekti i Katedralës, ora 10:00)

- Kryeministri Ramush Haradinaj pret në takim Bruno Questel, përfaqësues zyrtar i Presidentit të Francës, Emmanuel Macron. (Ndërtesa e Qeverisë, ora 11:00 - vetëm pamje)

- Presidenti Thaçi pret në takim ministrin e Punëve te Jashtme te Bangladeshit , Shahriar Alam. (Kabineti i presidentit, ora 11:00)

- Lëvizja Vetëvendosje! mban konferencë për media. (Zyrët e Lëvizjes Vetëvendosje, ora 12:00)

- Ndihmës Administratorin e USAID-it për Evropë dhe Evroazi, Brock Bierma takohet me Presidentin e Republikës së Kosovës, Hashim Thaçi. (Zyra e Presidentit, ora 15:00 - vetëm pamje)

- Shkrimtari Stan Lee i njohur edhe si zevendes president dhe publicist i kompanisë Marvel dhe i cili eshte bashkëkrijues i heronjve të filmave, Spider-Man, Hulk, Doctor Strange, Fantastic Four, Iron Man, Thor, Daredevil, etj, kesaj radhe vjen me tregimin mbi heroin e ri T’Challa si mbret dhe Panterë e Zezë ne filmin “Black Panther” -aksion, aventurë, fantastiko-shkencor. (Kino ABC, ora 15:15)

- Presidenti Thaçi pret në takim Senatorin Ron Johnson. (Kabineti i presidentit, ora 16:00)

- Kryeministri Ramush Haradinaj pret senatorin amerikan Ron Johnson. (Ndërtesa e Qeverisë, ora 16:45 - vetëm pamje, ndryshim orari, ora 14:30)