Prizren, 11 shtator - Programi i Kombeve të Bashkuara për Zhvillim (UNDP) në Kosovë, përmes projektit  "Mbështetja për një Prizren të Qëndrueshëm – Projekti për inicimin e VDKZ-ve (Veprimet e Duhura Kombëtare për Zbutje ndaj ndryshimeve klimatike) financuar nga Agjencia Austriake për Zhvillim (ADA) dhe Komuna e Prizrenit, organizojnë prezantim publik sot në ambientin e mbrendshëm të kinemasë Lumbardhi.

Qëlimi kryesor i ngjarjes publike është prezantimi i pilot ndërhyrjeve të përzgjedhura si VDKZ-të Urbane, të cilat do të implementohen në Prizren.

Znj. Xheva Berisha Rexhepi, menaxhere e projektit Urban NAMAs (inicimi i VDKZ-ve) në UNDP do t’i përshëndes të pranishmit me një fjalë hyrëse mbi këtë temë si dhe do të paraqesë një përmbledhje mbi rëndësinë dhe qasjen e këtij projekti.

 Genc Besimi i G-Project sh.p.k. do të prezantojë njërën nga iniciativat e përzgjedhura për t'u implementuar të titulluar "Rikonstrukcioni i gjelbër të rrugëve, rrugicave dhe parkingjeve në Qytetin e Prizrenit".