04 Dhjetor 2020

U shënua Dita Botërore e Qumështit

Prishtinë, 1 qershor - Ministria e Bujqësisë, Pylltarisë  dhe Zhvillimit Rural, në bashkëpunim me  prodhuesit dhe përpunuesit  vendor të qumështit e të mbështetur edhe nga USAID-i, sot ka shënuar Ditën Botërore  të Qumështit.

Manifestimi qendror është mbajtur në Sheshin “Nëna Terezë” në Prishtinë, ku pos shumë fermerëve dhe qytetarëve, pjesë e këtij aktiviteti ishte edhe ministri i Bujqësisë, Pylltarisë dhe Zhvillimit Rural z. Blerand Stavileci.

Në fjalën e rastit që e mbajti  me këtë rast ministri Stavileci, ai tha se  misioni i MBPZHR-së është zbatimi i programit të Qeverisë së Kosovës në fushën e bujqësisë, me theks të  veçantë në sektorin e blegtorisë.

Kjo ministri, ka shtuar tutje ministri Stavileci, synim të vetin e ka zhvillimin e qëndrueshëm të bujqësisë në vendbanimet rurale të Kosovës. Arritjen e këtyre objektivave zhvillimore MBPZHR e bazon në “Planin e zhvillimit bujqësor dhe rural 2009 – 2013” plan ky që themel të vetin e ka tregun e konkurrencës së lirë.

Kjo strategji është kompatibile me atë të BE dhe bazohet në katër boshtet dhe tetë masat e saj.

MBPZHR në vazhdimësi është duke e rritur mbështetjen direkte për fermerët, jo vetëm të blegtorisë, por edhe të sektorëve të tjerë me shkallë prioriteti.

Qeveria e Kosovës, respektivisht MBPZHR ka bërë thirrje publike për aplikim për dhënien e ndihmës financiare/grandit për investime në fermë në kuadër të masës 2 "Ristrukturimi i potencialit fizik në sektorin agro-rural" PZHRB 2007-2013, për nën-masën 1 " Mbështetje ekonomive bujqësore për prodhimin e qumështit".

Për këto qëllime, Ministria e Bujqësisë, Pylltarisë dhe Zhvillimit Rural ndan rreth 400.000 euro.

MBPZHR edhe sivjet do të mbështes fermerët për kafshët e imëta në vlerë 1.5 milionë €, pastaj do të jepen subvencione për mbarështimin e lopëve qumështore dhe subvencionim për  mëshqerra në   përmirësimin racor të tyre.

Po ashtu,  Qeveria e Kosovës do të aplikojë dhe një sërë masash të tjera lehtësuese për bujqësinë kosovare, ka thënë ndër të tjera ministri i Bujqësisë së Kosovës z. Blerand Stavileci.

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)