03 Dhjetor 2020

U mbajt “Festivali i Domates” në komunën e Mamushës

Prishtinë, 24 korrik - Ministri i MBPZHR-së Blerand Stavileci mori pjesë në “Festivalin e Domates” në komunën e Mamushës. Kjo ngjarje mëton të jetë tradicionale në të ardhmen dhe është e dyta me radhë që organizohet nën patronatin e komunës së Mamushës.

Duke iu drejtuar të pranishmëve, ministri Stavileci tha se organizimi i ngjarjeve të tilla mundëson që fermerët, shoqatat e fermerëve dhe ekspertë të kësaj fushe të promovojnë të arriturat e sektorit të prodhimtarisë së domateve dhe perimeve në këtë regjion, si dhe të këmbejnë përvojat e tyre të shquara që afektojnë ndjeshëm zhvillimin e këtij sektori.

Ministria e Bujqësisë, shtoi ministri Stavileci, Hortikulturën e konsideron si një ndër sektorët më prioritar dhe me potencial të shtuar për të rritur nivelin e prodhimtarisë në vend dhe ne tashmë, me vet faktin e dyfishimit të buxhetit për vitin 2010-të, e kemi konfirmuar qartë dhe në mënyrë të vendosur gatishmërinë dhe angazhimin për përmbushjen e të gjitha objektivave që dalin nga Strategjia për Zhvillimin e Hortikulturës.

Vlera e mjeteve të ndara për zbatimin e programit zhvillimor të hortikulturës, këtë vit arrinë vlerën 1.4 milion euro dhe ne kemi hartuar programin e granteve investuese për ngritjen e pemishteve të reja, vreshtave të reja, serrave të reja, si dhe për përkrahje me pajisje për ekonomitë bujqësore.

Tashmë jemi në fazën e realizimit të këtij projekti, vazhdoi më tej ministri Stavileci, dhe vetëm deri me tani në komunën e Mamushës janë investuar rreth 30.000€.

Ndërkaq, duke e përfunduar fjalën e tij, ministri Stavileci tha se fushat e punuara të komunës së Mamushës dhe rezultati i arritur nga fermerët e kësaj ane, janë shembull i mirë për të gjithë ata që mendojnë se s’ka levërdi të punohet toka.

Ndërsa, Kryetari i KK të Mamushës z. Arif Bytyçi tha se komuna e Mamushës ka traditë në kultivimin e kulturave bujqësore dhe rreth 80% e popullatës që jetojnë në këtë komunë merren me bujqësi.

Organizimi i “Festivalit të Domates”, shtoi Bytyçi, ndikon fuqishëm në rritjen e kultivimit të kulturave bujqësore dhe ndihmon prodhuesit që produktet e tyre t’i plasojnë më lehtë në tregun tonë dhe në tregun e jashtëm.

Domatet e Mamushës, janë të njohura në tërë vendin për cilësinë e tyre, prandaj shfrytëzojë rastin që t’i ftojë biznesmenët që të investojnë edhe në këtë pjesë, përfundoi ai.

 

Kalendari

Ngjarjet e datës 3 Dhjetor 2020

- Me rastin e Ditës Ndërkombëtare të Personave me Aftësi të Kufizuara, Handikos mban konferencën lansuese të Raportit vlerësues mbi qasshmërinë e fëmijëve me aftësi të kufizuara në ndërtesat shkollore të nivelit fillor dhe të mesëm të ulët në Kosovë. (Qendra e Resurseve të Handikos në Veternik, ora 9:30)

- Gjykata Themelore në Ferizaj mban seancën kundër të pandehurit Ibrahim Mustafa Keqpërdorimi i pozitës apo autoritetit zyrtar. (Gjykata Themelore në Ferizaj, ora 9:30)

- Kuvendi i Kosovës mban seancë te veçantë në të cilën do të mbahet debat parlamentar për gjendjen e të drejtave të personave me aftësi të kufizuara në Republikën e Kosovës. (Kuvendi i Kosovës, ora 10:00)

-  Komisioni për Integrim Evropian shqyrton Projektligjin për rimëkëmbjen ekonomike – COVID-19, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N302, ora 10:00)

-  Komisioni për të Drejtat dhe Interesat e Komuniteteve dhe Kthim shqyrton Projektligjin për Rimëkëmbjen Ekonomike - COVID-19, me raport amendamente të Komisionit funksional për Buxhet dhe Transfere. (Ndërtesa e Kuvendit, salla N303 Koha: 10:00  

- Komisioni Qendror i Zgjedhjeve mban mbledhjen ku shpall rezultatet përfundimtare të jashtëzakoshme për Kryetar të Komunës së Podujevës dhe Mitrovicës së Veriut, të cilat u mbajtën më 29 nëntor 2020. (Ndërtesa e KQZ-së, kati 4, ora 10:00)

- Për nder të Ditës Ndërkombëtarë për Personat me Nevoja të Veçanta, ushtruesja e detyres Presidentja, dr.Vjosa Osmani bashkërisht me ambasadorin Britanik, Nicholas Abbott dhe ministrin e Arsimit, Ramë Likaj  nënshkruajnë panon e zotimit për gjithëpërfshirje. Oborri i Kuvendit të Republikës së Kosovës (hyrja nga sheshi, ora 11:30)

- OJQ EC Ma Ndryshe organizon aktivitetet ndërgjegjësuese që ka qëllim të përcjell porosinë vetëdijësuese për eliminimin e pengesave që janë krijuar për shkak të mungesës së gjithëpërfshirjes. (Parku i Qytet në Prizren, ora 11:00 - Keji përballë xhamisë së “Sinan Pashës”, ora 12:00 - Marash, ora 13:00)