04 Dhjetor 2020

U hap panairi i bletarisë

Prishtinë, 16 shtator - Sot në sheshin Nëna Terezë, nën organizimin e Ministrisë së Bujqësisë, Pylltarisë dhe Zhvillimit Rural, dhe Lidhjes së Bletarëve të Kosovës u bë hapja solemne e Panairit të VII të Bletarisë “Kosova 2010”.

Organizimi i Panairit të Bletarisë është tradicional dhe duke filluar nga sot, 16 shtator deri me 18 shtator, në sheshin Nëna Terezë do të ketë aktivitete dhe vizita të ndryshme gjatë tërë ditës.

Në emër të bletarëve, të pranishmëve iu drejtua Halil Dermaku, i cili ndër të tjera tha se edhe bletaria varet shumë nga klima që dominon gjatë vitit.

“Bletaria është degë e bujqësisë dhe bujqësia është industri e pa kulm, kështu që, prodhimtaria bujqësore nuk varet vetëm nga puna apo mospuna e fermerit, por edhe nga klima që dominon gjatë vitit. Prandaj, të gjithë e dijmë se ky vit ishte mjaft i disfavorshëm për bujqësi në të gjithë rajonin, sidomos për bletarinë ku rendimentet u zvogëluan dukshëm në krahasim me vitet e mëparshme”. Megjithatë, falë angazhimit të madh të këtyre bletarëve të vyeshëm, ne edhe këtë vit arritëm që para konsumatorëve tanë të prezentohemi me llojllojshmërinë e produkteve të bletës mu në qendër të Prishtinës, përfundoi Dermaku.

Përderisa shpalli të hapur këtë panair, ministri i MBPZHR-së z.Blerand Stavileci, tha se organizimet e tilla ndikojnë në ngritjen e imazhit të bletarëve dhe në promovimin e bletarisë si degë e rëndësishme e bujqësisë.

Siç e dijmë, shtoi ministri Stavileci, bletaria ka qenë e lënë pas dore një kohë të gjatë, por kohëve të fundit shihet një disponim më i mirë për zhvillimin e kësaj dege të dobishme, si nga ana e inkuadrimit të bletarëve të rinj në këtë lëmi, ashtu edhe nga ana institucionale.

“Deri me tani nuk kemi pasur ndonjë projekt të veçantë që ka mbështetur drejtpërdrejtë bletarinë, por në kuadër të granteve që janë ndarë për ekonomitë e ndryshme bujqësore, në të kaluaren dhe tani, ka pasur edhe aplikant me projekte nga kjo fushë, të cilët kanë përfituar dhe janë mbështetur në mënyra të ndryshme”.

Kërkesa e madhe për prodhimet e bletës, shtoi ministri Stavileci, paraqet edhe nevojën që të ofrohen trajnime dhe shërbime të ndryshme këshillimore.

“Si rrjedhojë e kërkesës së madhe për prodhimet e bletës, paraqitet nevoja që të organizohen dhe ofrohen shërbime të ndryshme këshillimore, që do të shërbenin si ndihmesë në zhvillimin e kësaj fushe. Për të pregaditur kuadro të specializuara në këtë fushë, paraqitet po ashtu edhe nevoja që në kuadër të ndonjë shkolle profesionale të hapet ndonjë seksion i veçantë për bletarinë, duke mundësuar që të thellohen dhe zgjerohen edhe më shumë njohuritë për zhvillimin e mëtutjeshëm të bletarisë së Kosovës”.

Ministria e Bujqësisë, Pylltarisë dhe Zhvillimit Rural, ka hartuar ligjin për bletari dhe tani është në proces të hartimit të akteve nënligjore për rregullimin e veprimeve që do të mundësojnë avancimin e mëtejmë të sektorit, duke vendosur rregulla për mbarështimin, tregtimin e bletëve dhe produkteve të tyre.

Panairi do të jetë i hapur deri të shtunën në orën 18:00.
 

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)