04 Dhjetor 2020

Turqia ndihmon bujqësinë kosovare

Prishtinë, 19 gusht - Agjencia Turke për Zhvillim dhe Bashkëpunim Ndërkombëtarë, (TIKA), ka nënshkruar një memorandum mirëkuptimi me Ministrinë e Bujqësisë Pylltarisë dhe Zhvillimit Rural, (MBPZHR), për ndihmë në sektorin e bujqësisë.

“Ky Memorandum i Mirëkuptimit parasheh ngritjen e kapaciteteve infrastrukturale dhe operative të IBK-së dhe APK-së në fushat e hulumtimit shkencor, sëmundjeve të ndryshme bimore dhe shtazore, analizave ushqimore dhe po ashtu, parasheh edhe trajnimin e bujqëve që kultivojnë kultura të ndryshme bujqësore nga ekspertët e fushave përkatëse të Ministrisë së Bujqësisë në Republikën e Turqisë”, tha ministri Stavileci.

Për pasurimin e spektrit të këtyre projekteve në bashkëpunim me TIKA-në sipas tij po hapim një etapë të re për zhvillimin e sektorit të bujqësisë. “Falenderoj TIKA-në, Ambasadën e Republikës së Turqisë në Kosovë dhe Qeverinë e Turqisë për përkrahjen e tyre në vazhdimësi”, përfundoi ministri Stavileci.

Qëllimi i këtij memorandumi është që të ketë bashkëpunim reciprok në fushën e bujqësisë, blegtorisë dhe të përcaktojë parimet e bashkëpunimit dhe obligimet e palëve në kuadër të projektit. Ky projekt parasheh ngritjen e kapaciteteve infrastrukturale dhe operative dhe trajnimin e bujqve dhe ekspertëve kosovarë. Ministri i MBPZHR-së tha se TIKA ka realizuar një varg projektesh të cilat i kanë ndihmuar bujqit e Kosovës në masë të madhe dhe sipas tij.

“Ne me TIKA-n po edhe me agjenci të tjera po hapin një faqe të re të zhvillimit të sektorit të bujqësisë, blegtorisë dhe fushave tjera me rëndësi”, tha ai. Sipas Stavilecit efekti i ndihmës së TIKA-s do të ketë ndikim në rritjen e punësimit dhe përparimit të bujqësisë.

“Ekspertët tanë do të mund të shkojnë në Turqi dhe ekspertët turk të vinë në Kosovë dhe t’i shkëmbejnë provoja dhe idetë”, tha ai. Kryetari i TIKA-së, Musa Kulaklikaya tha se e rëndësishme është që bujqësia e Kosovës të përfitojë dhe të zhvillohet me hapat e vendeve në rajon. “me këtë memorandum janë të parapara disa projekte të rëndësishme me rehabilitimin e serave dhe ndërtimin e serrave të reja. Po ashtu në kuadër të këtij memorandumi parashihet trajnimi për bujqit e Kosovës”, tha ai.

Ndryshe me fondet dhe mbështetjen që do të sigurohen nga TIKA, në kuadër të projektit do të subvencionohen 20 ari mollë, renovimi i dy serrave, ngritja e dy serrave të reja me fidanishte . Obligimi i MBPZHR-së në këtë projekt është që të sigurojë mbështetje institucionale dhe të lehtësojë punën e ekspertëve nga Turqia që do të ngarkohen me detyrë në kuadër të zbatimit të projektit në Kosovë. Të sigurojë mirëmbajtjen e materialeve që do të furnizohen për formimin e plantazheve dhe ngritjes s dhe renovimit të serrave. 

Kalendari

Ngjarjet e datës 4 Dhjetor 2020 - Mbahet seanca fillestare për rastin e vrasjes së politikanit serb Oliver Ivanoviq pranë Gjykatës Themelore në Prishtinë, departamenti Special - krimet e rënda me c'rast avokati mbrojtës do te jep deklaratë për mediet pas seancës. (Gjykata Themelore në Prishtinë, ora 9:30)

- Guvernatori i Bankës Qendrore të Republikës së Kosovës, Fehmi Mehmeti do të mbaj një takim virtual me presidentin e Gjykatës Ndërkombëtare të Arbitrazhit Alexis Mourre dhe Drejtoreshën e Komisionit të Arbitrazhit për Evropë, Laetitia de Montalivet. (Takim virtual, ora 10:00)

- Kryetari i Komunës së Prizrenit, Mytaher Haskuka dhe drejtoresha e Drejtorisë së Kulturës, Rinisë dhe Sportit, Emilja Redzepi, do të bëjnë nënshkrimin e kontratave me përfituesit e thirrjes për përkrahjen e OJQ-ve dhe individëve në fushën e kulturës, rinisë dhe sportit. (Shtëpia e Bardhë në Prizren, ora 10:00)

- Qendra për Këshillim, Shërbime Sociale, dhe Hulumtime organizon aktivitetin “Tuneli i Fundit” në përkujtim të grave të vrara si pasojë e dhunës në familje në pesë vitet e fundit në Kosovë, dita e dytë. (Përballë ndërtesës së Kuvendit të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton shkresën e Artan Qerkinit përfaqësues i Malcolm Simmons, ish kryetar i Asamblesë së Gjyqtarëve të EULEX-it, “Përgjigje në ftesën për të dëshmuar para Komisionit për Legjislacion” si dhe njoftohet me shkresën e Përfaqësuesit Special të Bashkimit Evropian, Tomas Szunyong, për emërimin e Karin Hernmark Ahliny, Ambasador i Suedisë, anëtar i Bordit  Mbikëqyrës  të Agjencisë Kosovare për Verifikim dhe Krahasim të Pronës. (Ndërtesa e Kuvendit, salla N506, ora 10:15)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Ministrin e Ministrisë së Infrastrukturës Arban Abrashin. (Ndërtesa e Kuvendit, salla N204, ora 11:00)

- Mbahet seanca e jashtëzakonshme e Kuvendit te Kosovës në të cilën do të behët shqyrtimi i dytë i Projektligjit për Rimëkëmbjen Ekonomike - COVID-19. (Ndërtesa e Kuvendit, ora 11:00)

- Organizata Etea dhe Aleanca Franceze në Prishtinë me mbështetjen e Ambasadës Franceze do të mbajnë takimin e parë të huazimit të librave. (Tek objekti i Aleancës Franceze, ora 11:00)

- Autoriteti Kosovar i Konkurrencës (AKK) mban konferencë për medie lidhur me një hetim ndaj ndërmarrjeve që operojnë në tregun e energjisë elektrike. (Ish-objekti i Bankës së Lubjanës, ora 11:15)

- Kryetari i Delegacionit të Kosovës, Ibrahim Makolli dhe ai i delegacionit të Serbisë Veljko Odalovic do të mbajnë konferencë për media lidhur me varrezën masive në Kizhevak të Serbisë. (Lokacioni i varrezës masive në Kizhevak  të Serbisë, ora 12:00)

- Shpallet aktgjykimi ndaj të akuzuarit N. M., i cili akuzohet nga Prokuroria Themelore e Gjilanit, për veprën penale “vrasje e rëndë” pasi qe në  fshatin Berivojcë, komuna e Kamenicës, i pandehuri dyshohet që pas mosmarrëveshjeve familjare, me një mjet të fortë - shufër metalike, godet bashkëshorten e tij në kokë dhe pjesë të tjera të trupit, me ç’rast të ndjerës i ka shkaktuar plagë të cilat kanë qenë vdekjeprurëse. (Gjykata Themelore Gjilan, ora 13:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtoren e Insitutit Hidrometeorologjik të Kosovës Letafete Latifi. (Ndërtesa e Kuvendit, salla N204, ora 13:00)

- Komisioni Hetimor Parlamentar lidhur me procesin e privatizimit në Kosovë plotëson listën e dëshmitarëve. (Ndërtesa e Kuvendit, salla N10, ora 13:00)

- Qendra për Raste Gjyqësore Strategjike mban konferencë për media me rastin e dorëzimit të padisë për konflikt administrativ kundër vendimeve të Ministrisë së Ekonomisë dhe Ambientit dhe Zyrës së Rregullatorit për Energji”. (Para Pallatit të Drejtësisë, ndërtesa A, ora 14:00)

- Ministrja e Punëve të Jashtme dhe Diasporës e Republikës së Kosovës, Meliza Haradinaj-Stublla pret në takim ministrin në detyrë për Evropën dhe Punët e Jashtme i Republikës së Shqipërisë, Gent Cakaj ku pjesë e takimit do të jenë edhe përfaqësuesit e shqiptarëve të Luginës së Preshevës. (Objekti i MPJD-së, ora 14:00)