22 Maj 2018

Të ruajmë planetin duke ruajtur biodiverzitetin

Prishtinë, 22 prill - Dita e Tokës që do jetë nesër festohet që nga viti 1970 dhe gjithmonë na përkujton që duhet të ruajmë natyrën dhe burimet e saj, dhe që me përgjegjësi të sillemi ndaj shtëpisë sonë të përbashkët.

Që të mund të kuptojmë sa më mirë se pse janë të rëndësishme këto burime dhe se pse biodiverziteti është i domosdoshëm për çdo person, organizata botërore për mbrojtjen e natyrës WWF ka mbledhur partnerët e saj dhe shembujt e tyre të mirë. 

“Me përdorimin e qëndrueshëm të burimeve të natyrës së pari ndihmojmë veten, familjet tona dhe komunitetin, pastaj kontribuojmë në ruajtjen e natyrës dhe planetit. Me mbledhjen e shembujve dhe praktikave të mira, ku shohim se ku dhe si kane pasur sukses të tjerët, zbulojmë idetë e tyre të cilat mund të përsëriten, dhe me këtë dëshirojmë të frymëzojmë sa më shumë njerëz që të nisen në këtë drejtim. Të gjithë mund të kontribuojmë më shumë në ruajtjen e biodiverzitetit dhe të zgjedhim sfidat së bashku,” tha Kasandra-Zorica Ivanic nga WWF Adria.

Ajo shtoj se përmes këtyre shembujve mund të kuptohet se si përmes përdorimit të qëndrueshëm të burimeve të natyrës mund të kontribuohet në ruajtjen e natyrës.

„Në faqen e internetit natureforpeople.org/ab/, mund të gjeni përshkrime për vlerat e natyrës dhe mënyrat e mbrojtjes së saj, po ashtu mund të gjeni edhe eksperienca të ndryshme nga regjioni.

Deri tani kemi arritur të mbledhim 16 partnerë, dhe plani është që deri në fund të vitit të arrijmë ne numër tre shifror, prandaj ju ftojmë të gjithëve që të  kontribuoni me shembujt tuaj dhe që të jeni pjesë e kësaj platforme,” theksoj Ivanic.

Lexuesit mund të gjejnë të gjitha detajet e projekteve të suksesshme, t'i përsërisin ato ose t'i ndajnë me të tjerët që mendojnë se mund të ju ndihmojnë.

Nëpërmjet tregimeve frymëzuese mund të zbuloni rëndësinë e natyrës për fëmijët dhe mësuesit, të kuptoni pse qumështi është më i mirë kur vjen nga bagëtitë që kullosin në natyrë, por gjithashtu të kuptoni fuqinë e bashkimit për të zhvilluar produkte të reja ose oferta të qëndrueshme turistike. 

Në Shqipëri organizata PPNEA “Protection and Preservation of Natural Environment in Albania” ka organizuar rrjetin e ambasadorëve të rinj të rrëqebullit, me qëllimin që të ngritët vetëdija për rëndësinë e natyrës dhe vlerat e saj për komunitetin lokal.

Ambasadorët do të jenë roje të natyrës, ku do të raportojnë krimet e ndryshme ndaj ambientit në regjionin e tyre. Në parkun kombëtar Shebenik-Jablllanica, ambasadorët e rinj tani po organizojnë turne lokale që ndërlidhen me vlerat e biodiverziteti të parkut.

Në Kosovë, parku Gërmia është duke u përdorur si shkolle e natyrës ku janë organizuar kampe me pjesëmarrje të rinjve moshave të ndryshme dhe etnive të ndryshme.

Shkolla Digjitale përmes një bashkëpunimi të mirë me WWF Adria kanë mbajtur kampe të natyrës në parkun Gërmia, ku fëmijët pjesëmarrës kanë zhvilluar aplikacione për telefon për parkun Gërmia, ku vizitorët mund të marrin informata për Gërminë, mund të kontaktojnë restorantet që gjinden në park, mund të luajnë lojëra të ndryshme.

Duke vizituar faqen tonë të internetit mund të zbuloni edhe shembuj tjerë nga vende të ndryshme të regjionit.  

Të gjithë shembujt tregojnë për ndryshimet pozitive në shoqëri dhe ndikimi i natyrës në këtë rezultat, dhe mbulohen tema të ndryshme sikur edukimi, turizmi, përfshirja e komunitetit lokal, zhvillimi i punësimit të qëndrueshëm, vlerave kulturore, iniciativave lokale dhe përfshirja e grupeve të cenueshme. Faqja e internetit natureforpeople.org/ab/ është zhvilluar përmes programit të WWF-it „Zonat e mbrojtura për natyrë dhe njerëz“.

 

 

 

Kalendari

Ngjarjet e datës 22 Maj 2018 - Ministri i Arsimit, Shkencës dhe Teknologjisë, Shyqiri Bytyqi, do të vizitojë komunën e Kaçanikut, ku do të takohet me kryetarin e Komunës, Besim Ilazi. (Zyra e kryetarit Ilazi, ora 9:00)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë shkollën fillore dhe të mesme të ulët “Jusuf Gërvalla” në Biqec. (Objekti i shkollës në Biqec, ora 9:45)

- Instituti për Politika Zhvillimore organizon tryezën ”Sistemi Pensional në Kosovë: sfidat dhe mundësitë”. (Hotel Sirius, ora 10:00)

- Në kuadër të kampanjës “Drejtësia dhe biznesi” Ministri i Drejtësisë, Abelard Tahiri, së bashku me përfaqësues nga KIESA dhe Oda Ekonomike Amerikane, do të takojnë bizneset nga rajoni i Mitrovicës. (Hotel Palace në Mitrovicë, ora 10:00)

- Mbahet mbledhja e Komisionit për Mbikëqyrjen e Financave Publike në të cilen do të behët shqyrtimi i raportit të Auditimit për PVF-të e Autoritetit të Aviacionit Civil, shqyrtimi i raportit të Auditimit për PVF-të e Organit Shqyrtues të Prokurimit, etj. (Ndërtesa e Kuvendit, salla N 303, ora 10:00)

- Komisioni për të Drejtat e Njeriut, Barazi, Gjinore, Persona të Pagjetur dhe Peticione, nesër, më 22 maj 2018, viziton Burgun e Dubravës, me rastin e shënimit të përvjetorit të masakrës së vitit 1999. (Dubravë​, ora 10:15)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë shkollën e mesme “Feriz Guri dhe Vëllezërit Qaka”. (Objekti i shkollës, ora 10:30)

- Oda Ekonomike e Kosovës publikon studimin “Bottleneck” me qëllim identifikimin e barrierave që pengojnë të bërit biznes në vendin tonë. (Oda Ekonomike e Kosovës, ora 11:00)

- Nënshkruhet memorandum bashkëpunimi mes MKRS-së dhe OJQ George Williams Youth Association in Kosovo me qëllim financimi në projektin “Qendra e edukimit jo-formal për rini” me lokacion në fshatin Pjetërshan në komunën e Gjakovës. (Ministria e Kultures, Rinise dhe Sportit, ora 11:00)

- Mbahet mbledhja e Komisionit për Zhvillim Ekonomik, Infrastrukturë, Tregti, Industri dhe Zhvillim Rajonal në të cilen do të behët shqyrtimi i Raportit vjetor të Komisionit të Pavarur për Miniera dhe Minerale, shqyrtimi i Projektligjit për Masat Mbrojtëse në Importe, etj. (Ndërtesa e Kuvendit, salla N204, ora 11:00)

- Me rastin e shënimit të 19-vjetorit të masakrës së Dubravës bëhen homazhe në nderim të burgosurve të vrarë në burgun e Dubravës nga forcat paramilitare serbe. (Dubravë, ora 11:00)

- Kryetari i Gjilanit, Lutfi Haziri, pret në takim futbollistët e FC Drita, të cilët të dielën u shpallën kampion. (Zyra e Kryetarit, objekti i ish-gjykatës, ora 12:00)

- Ambasadori i Republikës së Shqipërisë në  Kosovë, Qemal Minxhozi viziton komunën e Dragashit, ku do të pritet nga kryetari i komunës, z. Shaban Shabani (Komuna e Dragashit, ora 12:30)

-  Ministri për Punë dhe Mirëqenie Sociale, Skender Reçica dhe Ministri për Komunitete dhe Kthim, Dalibor Jetviq raportojn para Komisionit për të Drejtat, Interesat e Komuniteteve dhe për Kthim lidhur me implementimin e projektit për ndërtimin e shtëpive për komunitetin joshumicë. (Ndërtesa e Kuvendit, salla N 303, ora 13:00)

- Ministrja e Mjedisit dhe Planifikimit Hapësinor Albena Reshitaj do të vizitojë komunën e Vitisë, ku bashkë me kryetarin e komunës do të nënshkruajnë një memorandum bashkëpunimi për realizimin e një projekti në fushën e mjedisit. (Objekti i komunës së Vitisë, ora 13:00)

- Zëvendëskryeministri i Kosovës, Fatmir Limaj bashkë me shefen e Zyrës së BE-së në Kosovë, Natalyia Apostolova dhe Ambasadorin e Republikës së Shqipërisë në Kosovë, Qemal Minxhozi, marrin pjesë më inaugurimin e rrugës Krushevë-Shishtavec, e financuar nga BE.. (Krushevë, Komuna Dragashit, ora 15:00)

- Shefja e Zyrës së BE-së në Kosovë, Natalia Apostolova së bashku me autoritetet e Kosovës do të përurojnë rrugën e ndërtuar rishtas midis Krushevës dhe Shishtavecit, që lidh Kosovën dhe Shqipërinë, të financuar nga Bashkimi Evropian. (Vendkalimi kufitar mes fshtarave Krushevë dhe Shishtavec Komuna e Dragashit, ora 15:00)

- Drejtori i misionit të USAID-it Xhejms Houp do të flasë me rastin e ceremonisë zyrtare që do të shënojë partneritetin me Cacttus Education. (Cacttus Education, rr. Bashkim Fehmiu. Arberia 3, BC2/11, nr. 4,  ora 16:45)

- Dega e OVL te UÇK-së në Kaçanik në bashkëpunim me SHIL, SHFD, institucionet komunale organizon orë përkujtimore me rastin e 19 të rënies heroike të dëshmorëve: Danush Kurtaj, Mejdi Dalloshi, Tefik Raka, Avdylgafurr Luma dhe Suad Brava, të rënë në Masakrën e Dubravës së Istogut me 22 maj ’99. (Shtëpia e Kulturës “Xheladin Kurtaj” në Kaçanik, ora 17:00)

- Bëhen homazhe me rastin e 19 të rënies heroike të dëshmorëve të rënë në Masakrën e Dubravës së Istogut me 22 maj ’99. (Varrezat e dëshmorëve dhe martirëve, ora 18:30)