03 Dhjetor 2020

Të korrurat, realizohen 90 për qind e të mbjellurave në vend

Prishtinë, 23 korrik - Ministria e Bujqësisë, Pylltarisë dhe Zhvillimit Rural, në bashkëpunim me komisionin për monitorimin e fushatës së korrje-shirjeve dhe drejtoritë përkatëse komunale, kanë përpiluar raportin preliminar për ecurinë e të korrurave dhe rendimenteve të arritura.


Këtë vit procesi i korrje-shirjeve të drithërave të bardha, si rezultat i kushteve të pafavorshme klimatike, ka filluar me vonesë në krahasim me vitet e kaluara dhe deri më tani, realizueshmëria e të korrurave sillet rreth 90 %  të të mbjellurave në tërë territorin e vendit.


Sipas të dhënave nga terreni, mesatarja e rendimenteve të arritura në këtë vit sillet rreth 3.300 – 3.600 kg/ha dhe kjo mesatare nuk ndryshon shumë nga mesatarja e viteve të kaluara. Po ashtu, për shkak të kushteve klimatike, rendimenti i arritur është më i ulët sesa viteve të tjera edhe në vendet e rajonit.


Rendimenti mesatar për një kulturë bujqësore, në këtë rast edhe për kulturën e grurit, varet nga një mori faktorësh siç janë: përgatitja e sipërfaqes tokësore për mbjellje, mbjellja e grurit në afatin optimal, cilësia e farës që përdoret për mbjellje, sasia e farës që përdoret dhe kultivari që mbillet, teknologjia e kultivimit dhe masat agroteknike të përdorura, sasia e plehut mineral që përdoret për plehërim themelor dhe për riplehërim, luftimi i barojave të këqija me herbicide dhe kushtet klimatike që mbretërojnë gjatë fenofazave të zhvillimit të grurit, temperaturat që mbretërojnë në fazën e pjekurisë qumështore të grurit, sasia e reshjeve në fazën e korrje-shirjeve, humbjet gjatë procesit të korrje-shirjeve, etj. 


Në rastin tonë, gjatë fazës së pjekjes qumështore, shkalla e temperaturave ka qenë shumë e lartë dhe e ka penguar zhvillimin normal të grurit. Mirëpo, vetëm pas një studimi më të hollësishëm nga ekspertët e fushës përkatëse, mund të konstatojmë më saktësisht se cili nga faktorët në ç’masë ka ndikuar në rendimentet e arritura.


Me të përfunduar aktivitetet e korrje-shirjeve, MBPZHR-ja do të dalë me raportin përfundimtar.
 

Kalendari

Ngjarjet e datës 3 Dhjetor 2020

- Me rastin e Ditës Ndërkombëtare të Personave me Aftësi të Kufizuara, Handikos mban konferencën lansuese të Raportit vlerësues mbi qasshmërinë e fëmijëve me aftësi të kufizuara në ndërtesat shkollore të nivelit fillor dhe të mesëm të ulët në Kosovë. (Qendra e Resurseve të Handikos në Veternik, ora 9:30)

- Gjykata Themelore në Ferizaj mban seancën kundër të pandehurit Ibrahim Mustafa Keqpërdorimi i pozitës apo autoritetit zyrtar. (Gjykata Themelore në Ferizaj, ora 9:30)

- Kuvendi i Kosovës mban seancë te veçantë në të cilën do të mbahet debat parlamentar për gjendjen e të drejtave të personave me aftësi të kufizuara në Republikën e Kosovës. (Kuvendi i Kosovës, ora 10:00)

-  Komisioni për Integrim Evropian shqyrton Projektligjin për rimëkëmbjen ekonomike – COVID-19, me amendamentet e Komisionit funksional nga aspekti i përputhshmërisë me legjislacionin e BE-së. (Ndërtesa e Kuvendit, salla N302, ora 10:00)

-  Komisioni për të Drejtat dhe Interesat e Komuniteteve dhe Kthim shqyrton Projektligjin për Rimëkëmbjen Ekonomike - COVID-19, me raport amendamente të Komisionit funksional për Buxhet dhe Transfere. (Ndërtesa e Kuvendit, salla N303 Koha: 10:00  

- Komisioni Qendror i Zgjedhjeve mban mbledhjen ku shpall rezultatet përfundimtare të jashtëzakoshme për Kryetar të Komunës së Podujevës dhe Mitrovicës së Veriut, të cilat u mbajtën më 29 nëntor 2020. (Ndërtesa e KQZ-së, kati 4, ora 10:00)

- Për nder të Ditës Ndërkombëtarë për Personat me Nevoja të Veçanta, ushtruesja e detyres Presidentja, dr.Vjosa Osmani bashkërisht me ambasadorin Britanik, Nicholas Abbott dhe ministrin e Arsimit, Ramë Likaj  nënshkruajnë panon e zotimit për gjithëpërfshirje. Oborri i Kuvendit të Republikës së Kosovës (hyrja nga sheshi, ora 11:30)

- OJQ EC Ma Ndryshe organizon aktivitetet ndërgjegjësuese që ka qëllim të përcjell porosinë vetëdijësuese për eliminimin e pengesave që janë krijuar për shkak të mungesës së gjithëpërfshirjes. (Parku i Qytet në Prizren, ora 11:00 - Keji përballë xhamisë së “Sinan Pashës”, ora 12:00 - Marash, ora 13:00)